MitID pillugu naammagittaalliuut
Digitaliseringsstyrelsenimut naammagittaalliorsinnaavutit:
- MitID-taarnissamut itigartinneqaruit.
- Nammineq illit piumanngisannik MitID-it atorunnaarsinneqarluniluunniit matuneqarpat.
Naammagittaalliuuteqarumallutit Digitaliseringsstyrelsenimut uku arlaat atorlugit attaveqassaatit:
- + 45 33 98 00 10-mut sianerit
- Digital Post aqqutigalugu Digitaliseringsstyrelsenimut mailimik nassiussigit
- Allakkanik ima qulequtalinnik “Klage over MitID” uunga nassiussigit:
Digitaliseringsstyrelsen
Landgreven 4
DK-1301 København
Naammagittaalliuutinni uku ilisimatitsissutigeqquneqarput ilannguteqquneqarlutillu:
- Atuisutut-ID
- Aqqit tamaasa
- Najugaq
- Oqarasuaatip normua
- Naammagittaalliuutip nassuiarnera, tassunga ilanngullugit Innuttaasunik Sullissivimmit aningaaserivinniilluunniit itigartitsissummut tunngavilersuut ilanngullugu.
- Ilanngussat attuumassutillit
- Piginnaatitsissut, imminut pinnak allat sinnerlugit naammagittaalliussaguit
Digitaliseringsstyrelsenimut aalajangiineri allaffissornikkut oqartussaasunut allanut naammagittaalliuutigineqarsinnaanngillat, taamaattorli eqqartuussivimmut suliassanngortinneqarsinnaapput.
MitID-mi kinaassutsimik uppernarsaammik naammagittaalliuutit
MitID kinaassutsimut uppernarsaat MitID.dk-kkut pissarsiarisimasat naammagittaalliuutigerusukkukku MitID Support attavigiuaannarsinnaavat.
MitID Support ima attavigissavat
Aamma MitID kinaassutsimut uppernarsaat pillugu naammagittaalliorusukkuit naammagittaalliornissamut aaqqiissummut Konkurrence- og Forbrugerstyrelsens Centerimut una linki aqqutigalugu naammagittaalliorsinnaavutit: https://naevneneshus.dk/start-din-klage/center-for-klageloesning-og-forbrugerklagenaevnet/
Center for Klageløsning
Nævnenes Hus
Toldboden 2
DK-8800 Viborg
Aamma EU Kommissionimut isertarfik aqqutigalugu aaqqiagiinngissutit pillugit naammagittaalliorsinnaavutit, taannalu uani nassaarisinnaavat: https://ec.europa.eu/consumers/odr/
Paasissutissat inummut tunngasut naammagittaalliuutiginerat
Paasissutissanik ilinnut tunngasunik suliaqarnerput naammagisimaanngikkukku Datatilsynemut naammagittaalliorsinnaavutit. Linkimi matumani Datatilsynetip attavigineqarnissaanut paasissutissat nassaarissavatit: https://www.datatilsynet.dk
Aamma Digitaliseringsstyrelsenimut toqqaannartumik assigiinngitsutigut saaffiginninnissannut tikilluaqqusaavutit:
- + 45 33 98 00 10-mut sianerit
- Digital Post aqqutigalugu Digitaliseringsstyrelsenimut allagit imaluunniit mailimik nalinginnaasumik digst@digst.dk-mut allagit
- Digitaliseringsstyrelsenimut allakkanik nassiussigit
Digitaliseringsstyrelsen
Landgreven 4
DK-1301 København
MitID-ip inuttut inuuneq pillugu politikkiani paasissutissat ilinnut tunngasut qanoq suliarisarnerivut paasisaqarnerugit