MitID appimi akuersiniarluni swiperut imaluunniit MitID-mi kodenik nuisitsivimmi tuugassamik toorsisarneq teknikkikkut aaqqiissutaapput immikkut ittumik ineriartortinneqarsimasut.
Ingerlaavartumik tulluarsaanissamut periarfissaqarneq
MitID-ip ineriartortinneqarnera taannaavoq nukittoqqutaasussaq. Siullertut MitID assigiinngitsunik immikkoortoqarpoq. Tassa imaappoq nutaanik pisariaqartitsisoqarlunilu kissaateqartoqarnera ilutigalugit aaqqiissut ingerlaavartumik tulluussarneqarsinnaavoq. Assersuutigalugu sumiiffinni pissutsiniluunniit nutaani illit atuisutut siunissami inuttut MitID-mik atuisinnaassaatit.
Ikittuinnaat isersinnaapput - taamaalilluni aaqqiissut isumannaannerulerpoq
Suliffeqarfiit qarasaasialerinermik suliallit suliffeqarfiilluunniit toqqaannartumik MitID-mut aaqqiissummut isersinnaasut ikittuaraannaat isersinnaatillugit MitID ineriartortinneqarsimavoq. Taakku brokerinik taaneqartut immikkut ittumik akuerineqarsimapput, taakkulu suliffeqarfiit allat MitID-mik atuisut imminut kiffartuussissutinut isersinnaanerat pillugu isumaginissaannut immikkut akuerineqarsimapput. Ilinnut atuisumut tamanna sunniuteqarnavianngilaq, MitID-li isumannaannerulissaaq, tassami ikittuinnaat aaqqiissutissamut toqqaannartumik isersinnaammata.