Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
dansk English kalaallisut
The page is not available in the selected language
Unfortunately, the page is not available in the selected language. The page is available in the languages listed below.
dansk English kalaallisut
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.
dansk English kalaallisut

Chippi atuartissinnaanngiliuk imaluunniit pas-i kiinarlu scannertissinnaanngiligit?

Chippimik qanoq atuaatitsisinnaanerit kiisalu pas-imik kiinnamillu qanoq scannerisinnaanerit pillugu uani paasisaqarnerusinnaavutit.

MitID-mut tunngatillugu kinaanermik uppernarsaanissamut qaffasissunik piumasaqaateqarpoq. Tamanna pillugu MitID-appimit ikiorneqarsinnaavutit. Appi:  

  • Pas-imi kodemik scannerisinnaavoq
  • Pas-imi chippimik atuaasinnaavoq
  • Kiinnamik scannerisinnaavoq, taamaalilluni pas-imi assimik sanilliussisinnaalluni

Kukkusimanerit pillugu ilisimatinneqaruit imaluunniit akuersinissat iluatsinngitsoorpat kiinnavit scannernerani pas-imi assip assigiinnginnera pissutaasinnaavoq. Pissutaasinnaasut arlaliupput - ass. pas-inni assip assilinissaanut pas-i ersarinnerusariaqarsinnaavoq. Ilaannikkut arlalitsigut iliuuseqarsinnaavutit.

  • MitID app nutarterissutissamik nutaanerpaamik nutarterneqarsimanersoq misissoruk
  • Qaamaneqarluartumukarit - qaamanikippallaanngitsumut aammali qaamaneqarpallaanngitsumut
  • Isarussatit piikkit nutsatilluunniit kiinnannit illuartikkit
  • Oqarasuaatip coveria peeruk

Oqarasuaativit system-iata opdaterersimanissaa isumagiuk. Teknikkikukt piumasaqaatit pillugit atuarit.

Periarfissat

  • Pas-imik kiinnamilluunniit scannerisinnaasumik oqarasuaateqanngikkuit imaassinnaavoq nalunngisat taamaaliorsinnaasumik mobiileqartoq? Pas kiinarlu scannerniarlugit oqarasuaammik atorit.
  • MitID-taarnissat sulissutigiviuk, taamaappat MitID-taarnissamut allatigut iliuuserineqarsinnaasut pillugit paasisaqarnerusinnaavutit, ass. Innuttaasunik Sullissivimmi piffissamik inniminniinikkut. Innuttaasunik Sullissivimmi uppernarsaatinik pisariaqartinneqartunik peqarnissat eqqumaffigissavat.
  • Qallunaat suliffeqarfiat sinnerlugu digitalikkut iliuuseqarniarlutit MitID erhverv atorusukkukku www.mitid-erhverv.dk-mi paasisaqarnerusinnaavutit.
  • MitID-appimut PIN-kode puigorpiuk? MitID pillugu kiffartuussivik attavigiuk
  • Atuisutut-ID puigorpiuk? Atuisut-ID puiorsimasat pillugu ilisimatinneqarit
  • Kode isissutit puigorpiuk? Kodemik isissutissamik nutaamik pissarsigit
  • Scannerineq iluatsinngikkukku Innuttaasunik Sullissivimmut saaffiginnissaatit. Piffissamik inniminniinissat uppernarsaatinillu nassarnissat eqqaamassavat.

Ajornartorsiutit pilersinnaasut

Uani alloriarnerni taakkunani pingasuni sutigut ajornartorsiuteqalertoqarsinnaanera pillugu sukumiinerusumik takusinnaavat:

Alloriarnerup aappaanut ingerlaqqikkumalluni pas-imi kode scannerneqassaaq. Paasissutissat nammineq aamma allattorneqarsinnaapput. 

Oqarasuaatit covereqarpat peernissaa pitsaassaaq.

Siullertut oqarasuaativit chippi nassaarissavaa. NFC-læserip inissisimaffia oqarasuaammiit oqarasuaammut assigiinngissinnaavoq. Pas-ip saqqaa qummut saatillugu iliuk. Oqarasuaativit affaata qulaatungaa pas-it saqqaanut iliuk. MiID appimi ‘Aflæs chip’ tooruk scannerinerlu aallartillugu. Chip-itaa scannerumallugu oqarasuaatit sekundialunni uninngatiguk. Oqarasuaat sajukulaarpat fluebenilu nuilluni scannernera naammassisimassaaq.

Oqarasuaatip uninngasimannginnera allorianermi matumani kukkusimanermi nalunaarutigineqakkajuttarpoq. Chippimik scanneriniarneq piffissartornalaarsinnaammat naammagittarsinnaassuseqarit. Illuatungaanik kukkusimanermi nalunaarut piffissap qaangiunneranik pissuteqarsinnaavoq, ass.chippip nassaarinissaanut atuaanerulluunniit aallartinnissaanut piffissaq sivisuallaartoq ingerlasimappat. Kukkusimalluni nalunaarfigitinnermi tamatigut MitID appi qaminneqartassaaq aallarteqqinneqarlunilu, kingorna iluatsinniarlugu misileqqinneqarsinnaavoq.

Pas-imi assinni isarussanik atugaqanngikkuit kiinnannik scannerileruit isarussavit peernissaat iluaqutaasinnaavoq. Qaamaneqarluarnissaa isumagissavat. Taamaattorli oqarasuaatini Androidini qaamaneqarpallaassanngilaq, taamaappat igalaat eqqaanniit ungasillilaassaatit.

Kiinaq sinaakkutit iluannut inissinneqassaaq, ‘Jeg er klar’-imut tuugassap nuinissaata tungaanut oqarasuaat uninngatinneqassaaq. Pingaartumik oqarasuaatinut Androidiusunut tamanna pingaaruteqarpoq.

Oqarasuaativit kiinnavit saaniitsinnissaa pingaaruteqarpoq. Oqarasuaatip kiinallu akornanni vinkeleqassanngilaq. Sapinngisamik scannerinerup ingerlanerani oqarasuaat kiinarlu uninngateqqissaarniarsarikkit. Appip qinnuigippatit aatsaat oqarasuaat siumut kingumullu nikisittassavat, sanimuunngitsoq.

Kiinnamik scannerineq iluatsinngippat arriitumik aalallutit misileqqiguk. Sapinngisamik kiinaq oqarasuaallu uninngateqqissaarniarsarikkit. Ass. assatit marluk atorlugit oqarasuaatit paariuk. Oqarasuaat alla atorlugu misiliguk.

Iluatsinngeqattaarpat pas-inni assip kinnavit assigivallaanngikkaa ilimanarsinnaavoq. Ass. pas-imi assip pitsaassusaa ajunnginnerusinnaavoq imaluunniit pas-imi assip assilineqarneraniit maannamut allanngungaatsiarsimavutit.