MitID aallartiguk

Assigiinngitsutigut MitID-mik pissarsisoqarsinnaavoq. Kisianni kinaanerit uppernarsassavat - taamaalillutik allat illiusuusaarsinnaassanngimmata. MitID qanoq atussanerlugu toqqaassaatit, ass. MitID app imalt. MitID kodenik nuisitsivik atorlugu.

MitID appit oqarasuaammut/tabletimut allamut kopeeruk

MitiD-qareeruit taannalu oqarasuaammut tabletimulluunniit allamut kopeerusukkukku MitID app-imi pioreersumi QR-kode scannerlugu taamaaliorsinnaavutit. MitID app-imi atuuffik taanna atorlugu MitID app nutaaq pisariitsumik sukkasuumillu atuutilersissinnaavat assersuutigalugu nutaamik oqarasuaatitaaruit tabletitaarlutilluunniit.

Pas-it atorlugu MitID-taarit

MitID-mik pissarsiumallutit pas-it aamma MitiD appit atorsinnaavatit. MitiD appi pas-imi chippinik atuaasinnaavoq, taamaalilluni kinaanerit uppernarsarsinnaavaa. Innuttaasunik sullissivimmukarnissaq periarfissaasinnaavoq.

Innuttaasunik sullissivimmi MitID-mik pissarsigit

Innuttaasunik sullissivimmi MitID-mik pissarsisinnaavutit, ass. atorsinnaasannik mobiileqanngikkuit. Kinaassutsimut uppernarsaammik suli atuuttumik nassarnissat eqqaamallugu.

Allat MitiD-taarnissaannik ikiukkit

MitID-taarnissamut ikiortissaqaraluartoq tatigisamik ilagisaqarnissaq pitsaassaaq. Taamaammat ikioqatigiinnissaq pitsaassaaq - sussanerluni sussannginnerlunilu eqqumaffigineqannassaaq, tassami MitID inummut tunngalluinnarmat. Illit saniatigut ikiorneqarnissamik pisariaqartitsiguit ilinnik ikiuisussamut takutissinnaavat.

MitID imatut atussavat

MitID smartphonemut tabletimullu siullertut app-iuvoq. MitID appip atornissaanut periarfissaqanngikkuit kodenik nuisitsivik, kodenik atuaasartoq imaluunniit chip atorsinnaavat.

MitID-mik pissarseqqinneq

Arlalinni MitID-qarnissaq pitsaassaaq, taamaalillutit sillimmateqartuaannarniassagavit. Suli MitID atorlugu akuersisinnaavutit, naak mobiilit MitID appilik annaasimagaluarlugu.

Ass. smartphonenni tabletinnilu MitID-qarsinnaavutit.