Peqquserlulluni linkiliortoqarsinnaavoq. Internetimut ilumoortuunngitsumut ilumoorpasittumulli linkit peqquserlunnermi atorneqarnerpaasarput. Quppernermi ilumoortuunngitsumi iserniarsariguit isertaatitit pinerluttunut qupperniliorsimasunut tunniutissavatit.
Nttartakkat eqqunngitsut mianersorfigikkit
Ajoraluartumik nittartagaq ilumoortuunersoq ilumoortuunnginnersorluunniit ajornanngitsumik takuneqarsinnaanngilaq. Qarasaasialerinermi pinerluttut nittartakkamik ilaarsillutillu peqquserlullutik allanngortitsisinnaapput, taamaalilluni assigiinngissutaata atuisumit takuneqarsinnaanissaa ajornakusoorsinnaalluni.
Browserimut soorlu Safarimut Chromemulluunniit aamma nittartakkami adresse ass. www.MitID.dk nammineq allallugu peqquserlunnerit pinngitsoortinneqarsinnaapput. Adresse nammineerlutit allakkukku nittartagaq iserfigerusutat toqqissillutit iserfigisinnaavat.
Adresselinjemi nittartakkap adresseanik misissuisarneq ileqquliutiguk.
- Adressit ilumoortut ima isikkoqarput: www.MitID.dk aamma DinBank.MitID.dk
- Adressit ilumoortuunngitsut ima isikkoqarsinnaapput: mitid.dk.bank.com aamma mitid.com.login/mitid.dk
Nittartagaq pillugu nalornissuteqaruit MitID Support qanigisalluunniit aperigukkit pitsaassaaq.