Itigartinneqarsimaguit MitID-luunniit atorsinnaanngikkukku

Atuisutut qanoq MitID-ip atornissaanut assigiinngitsunik piumasaqaateqarpoq. Piumasaqaatit taakku ilaannik ataatsimik arlalinnilluunniit eqqortitsisinnaanngikkaanni taava MitID-qarnissamut pisinnaatitaaffeqanngilaq.

Atuisoq piumasaqaatinik taakkuninnga ataatsimik arlalinnilluunniit eqqortitsisinnaanngittoq nalilerneqarpat Innuttaasunik Sullissivik MitID-mik tunniussinissamut itigartitsisinnaavoq. Suut piumasaqaataanersut aamma MitID atorsinnaanngikkaanni ingerlariaqqinnissamut sunik periarfissaqarnersoq uani atuarsinnaavat.

MitID-mut piumasaqaatit

MitID atorlugu akuersinerit allalluni atsiornertut ippoq. Taamaammat isumaginissaanut piumasaqaatit naammassinissaat pingaaruteqarpoq. Inuinnarnut MitID pillugu nalunaarummi piumasaqaatit takusinnaavatit, §3 aamma 8:

Retsinformation.dk-mi nalunaarut atuaruk

Piumasaqaatit pingaarnerpaat marluk tassaapput:

MitID allanut tunniuteqqusaanngilat
MitID pisaaritinnagu kinaassutsit qulakkeersinnaasariaqarpoq

Allatut oqaatigalugu nammineq MitID isumagineqarsinnaassaaq. Tassa imaappoq assersuutigalugu atuisutut-ID MitID-kodellu allanut tunniuteqqusaanngillat. Tassa imaappoq qarasaasiap smartphonellu qanoq atornissaat pillugu nalornissuteqangaatsiaraanni taava nammineerluni MitID atorneqarsinnaassanngilaq. Taamaattoqartillugu Innuttaasunik Sullissivik MitID-taarnissamut itigartitsisinnaavoq.

Aamma kinaassutsinnik uppernarsaasoqarsinnaanngippat itigartitsisoqarsinnaavoq. Innuttaasunik Sullissivimmukaruit kinaanerit qanoq uppernarsarsinnaanerlugu uani paasisaqarnerugit

Kikkut tamarmik piumasaqaatinik eqqortitsisinnaanngillat. Taamaammat aamma MitID-qarnissaq pillugu inatsimmi allassimasoqanngilaq.

Pisortani oqartussaasut innuttaasunut MitID-qanngitsunut pisortat sullissinernik tamanik tunniussisussaatitaapput. Oqartoqarsinnaavoq ullumikkut pisortat sullissivii amerlasuut illit MitID-mut isernissannut piumasaqaateqaraluartut illit MitID atunngikkaluarlugu, assersuutigalugu pappialap atorneratigut assinganik sullinneqarnissat pillugu pisortani oqartussaasut tamatigut qinnuigisinnaavatit.

Borger.dk-mi paasisaqarnerusinnaavutit.

MitID-qarnak qanoq sullinneqarsinnaanerlutit aningaaseriviit attavigiuk.

Uanngaanniit ingerlaqqinniarlutit arlalinnik periarfissaqarputit:

1. Naammagittaalliornissamut ilitsersuut

Itigartinneqarnermut peqatigitillugu naammagittaalliornissamut ilitsersuut aamma tunniunneqassaaq. Tassani takuneqarsinnaavoq qanoq naammagittaalliortoqarsinnaanersoq. Kukkusoqarsimappat kukkusumilluunniit naliliisoqarsimappat aalajangiineq pillugu naammagittaalliorneq.

2. Ikiortigit

Inatsisitigut ikiortinneq: Siunnersortimit arlaannaanulluunniit attuumassuteqanngitsumit siunnersorneqarnissat inatsisitigullu ilitsersorneqarnissat pillugu qinnuteqarsinnaavutit.
Digitali pillugu ikiortinneq: Digitali atorlugu imminut sullinnissamut tunngatillugu atuagaateqarfiit ikiuikkajuttarput ilitsersuikkajuttarlutillu. Atuagaateqarfiit ilaat ulluinnarni qarasaasialerineq, assersuutigalugu qarasaasiamik, smartphonemik tabletimilluunniit atuineq pillugu pikkorissartitsisarput. Najukkami atuagaateqarfik aperiuk.
Allatut ikiorneqarneq: Aamma qanigisat tapersersortit tatigisat oqaloqatigisinnaavat.

3. Piginnaatitsissut

Attaveqarfigisartakkanni tatigisanni arlaat ilinnik ikiuerusuttoq piginnaatitsissummik tunisinnaavat. Piginnaatitsissut atorlugu inuk toqqakat illit sinnerlutit iliuuseqarsinnaatissavat. Taanna nammineq isissaaq illiusuusaarluni isissanngilaq. Tassa imaappoq taassuma illit sinnerlutit sorpiaat iliuuserisimanerai takuneqarsinnaavoq. Kisianni piginnaatitsissummik tunniussiguit pissaanermik nammineersinnaassutsimillu tunniussinertut misiginarsinnaavoq. Taamaammat piginnaatitsissummik tunniussinissannik aalajangiinissat sioqqullugu assersuutigalugu eqqartuussissuserisumut imaluunniit inatsisitigut siunnersortimut arlaannaanulluunniit attuumassuteqanngitsumut inatsisitigut siunnersortissarsiorit ilitsersersuisussarsiorlutillu. Minnerpaamik inuup piginnaatitsissummik tunisavit oqaloqatigilluartarnissaa pingaaruteqarpoq, taamaailluni taanna sutikkusunnerit taassuma nalunnginniassammagu. Isumaqatigiissutigisasi allassavatit. Ataatsimut isigalugu piginnaatitsissutit pillugit paasisaqarnerugit

Imminut sullinnissamut assigiinngitsunut piginnaatitsissutit assigiinngitsut:

Pisortat aaqqiissutaat

Digitalikkut piginnaatitsinermi pisortani imminut sullinnissamut aaqqiissutaani amerlanerusunut isertoqarsinnaavoq. Borger.dk-mi digitalikkut piginnaatitsissut pillugu paasisaqarnerugit.

MitID-qanngikkuit digitalinilluunniit atuinissat ajornakusoortikkukku suli piginnaatitsissummik tunniussisinnaavutit. Tassa iuk piginnaatitsissummik tunisat MitID-minut isersinnaasariaqarpoq piginnaatitsissullu pillugu ilinnut qinnuiginnissalluni. Pineqartoq borger.dk-mi qulaani quppernermut iseriarluni ‘Log på digital fuldmagt og giv/anmod om fuldmagt’ tuussavaa. Allakkat qinnuiginninnermik imallit allakkatigut ilinnut nassiunneqarnissaat inuup toqqarsinnaavaa. Atsioriarlugit Digitalimik Sullissinermut Aqutsisoqarfimmut nassiutissavatit.

Namminersortut

Piginnaatitsissummik tunniussinissamut tunngatillugu sunik periarfissaqarnerlutit paasiniarlugu namminersortuni suliffeqarfiit ataasiakkaat, assersuutigalugu aningaaserivik, soraarnerussutisiassaqartitsivik sillimmasiisarnermullu ingerlatseqatigiiffik attavigissavatit. Amma nakorsannut tunngatillugu taamaappoq.

Taavami Digital Post?

Digital Postimut isersinnaajumallutit MitiD-mik atuisussaanerit eqqumaffigissavat, soorlu taakku borger.dk-mi, Digital Post appimi, e-boksimi mit.dk-milu takusinnaagitit. MitID-qanngikkuit Digital Postimik atuinnginnissannut qinnuteqarsinnaavutit imaluunniit inuk alla tatigisat atuartissinnaatitaavat. Borger.dk-mi paasisaqarnerugit:

Borger.dk-mi atuinnginnissaq pillugu paasisaqarit

Borger.dk-mi allat atuarsinnaanissaat pillugu paasisaqarit