MitID appi atuutilerseqqiguk

MitID app pas-it atorlugu atuutilerseqqissallugu periarfissaqarputit. MitID app-imi amerlavallaamik kukkullutit PIN-kode toortarsimagukku taamaaliorsinnaavutit- imaluunniit assersuutigalugu app-imut PIN-kodet puigorsimagukku.

PIN-kode puigorneqarsimava imaluunniit kukkusaqattaarpallaarsimava? 

MitID app-ernut PIN-kode kukkusaqattaarpallaarsimagukku app matuneqassaaq. App matunikoq atuutsilerseqqissinnaavat kinaassutsivit pas/ID-kort-iluunniit scannerlugu kiinnamullu ilisarititsissut atorlugu uppernarsarneratigut. Taamaaleriarlutit nutaamik PIN-kodeliorsinnaavutit, appilu atorsinnaanngoqqillugu. PIN-kode aamma puigorsimagukku taamaaliorsinnaavutit. 

Pas-imik scan-nerisinnaasumik oqarasuaateqassaatit. Oqarasuaativit system-iata opdaterersimanissaa isumagiuk. Oqarasuaatip indstilling-iani misissorsinnaavat. Oqarasuaarternut teknik-ikkut piumasaqaatit atuarusukkukkit atuarsinnaavatit: MitID.dk/tekniske-krav

1. MitID app ammaruk skærmimilu qullerpaami periarfissat toorlugu
2. Appimi inissiivik tooruk
3. PIN-kode tooruk
4. PIN-kode puigorpiuk? tooruk
5. Skærmimi 'PIN-kode puigorpiuk?'-mi allassimasumi Tullia tooruk
6. Atuisoq toqqaruk (app-imi atuisut arlaliuppata)
7. ‘Passi/ID-korti’ toqqariarlugu Tullia tooruk
8. Piumasaqaatit naammasseqqusallu akuerikkit - Inuinnarnullu politikki piumaguit atuarlugu
9. Pas/ID-kort-it atorlugu kinaassutsit uppernarsaruk 1) pas/ID-kortip kodea scannerlugu 2) pas/ID-kortip chippia atuartillugu aamma 3) Kiinnanut ilisarinnittartumut takutillugu
10. Taassuma kingorna PIN-kode-it toortassavat- taava MitID app atorsinnaanngoqqissavat

Nunami allamiutut pas/ID-korteqarpit aamma qallunaatut inuup normoqanngilatit?

Nunami allamiutut pas/ID-korteqarpit aamma qallunaatut inuup normoqanngilatit? Taamaappat MitID appimik atuinissat sioqqullugu P-kodemik pissarsisimassaatit appilu atuutilerseqqinniarlugu pas/ID-kortit pigissavat.  

Qanoq P-kodemik pissarsissanerlutit uani takuuk. Pingasut angullugit P-kode atorsinnaavat - tassa siornatigut ataasiarlutit atoreersimagukku imaassinnaavoq atoqqissinnaagit. P-kodemik pissarsereersimaguit malitassat qulaani allassimasut malissavatit.

MitID Support-ip sms-imik PIN-kodemik utaqqiisaasumik atugassarnik nassissinnaavaatit. Taamatulli pisoqartinnagu oqarasuaatikkut kinaassutsit uppernarsassavat. Pas-ivit imaluunniit kørekort-ivit normua paasissutissiissutigissavat (kørekort Danmarkimeersoq imaluunniit nunatsinneersoq atuuttoq imaluunniit pas-i atuuttoq), taassuma kingorna inuup normuinut allattorsimaffimmi illit pillutit paasissutissat allaqqasut pillugit apersorneqassaatit. Apeqqutit naammattut akisinnaanngikkukkit MitID Supportip utaqqiisaasumik PIN-kode-mik nassissinnaanngilaatit, taamaassappallu Innuttaasunut Sullissivimmut ornigullutit nutaamik PIN-kodetaarnissarnik ikiorneqarsinnaavutit. 

Oqarasuaativit normua allanngortissimagukku

Ullut tallimat iluanni oqarasuaativit angallattakkap normua nalunaarsorneqarsimappat imaluunniit MitID.dk-mi allanngortissimagukku MitID Supportip utaqqiisaasumik PIN-kodemik nassissinnaanngilaatit, tamatumunngalu taarsiullugu nutaamik PIN-kodetaarniarlutit Innuttaasunik Sullissivimmukassaatit.

MitID Support +45 33 98 00 10 attavigiuk

Allaffiginata sianerfigissavatsigut

PiN-kodemik utaqqiisaasumik piniassaguit, PiN-kode-mut nutaamik pitaarnissarnut atugassarnik, taamaallaat supporrt-imut sianerlutit pissarsisinnaagavit eqqumaffigiuk. Tassa support-imut allallutit utaqqiisaasumik PIN-kodemik qinusinnaanngilatit.

MitID Support-imiit utaqqiisaasumik PIN-kode-mik nassinneqareeruit

Support-imiit utaqqiisaasumik PIN-kode-mik nassitsereeruit tullinnguullugu qanoq iliussanersutit apeqqutaavoq app-imi qanoq allaqqanersoq.

App-i ammarukku takusinnaavat matuneqarsimasoq:

1. MitID appimi menu ammaruk, Appimi inissiivik tooruk, PIN-kode tooriarlugu, PIN-kodet allanngortigut tuussavat
2. Midlertidig PIN-kode toqqaruk
3. PIN-kode arfineq pingasunik kisitsisitalik sms-issikkut nassiussassarsiarisimasat ikkuguk
4. PIN-kode arfinilinnik kisitsisilik nammineq pigisassat toqqaruk
5. PIN-kode arfinilinnik kisitsisitalik toortaqqiguk

MitID app-it nalunaarpoq ´Atorneqarnissaminut piareerpoq:

1. MitID appimi menu ammaruk, Appimi inissiivik tooruk, PIN-kode tooriarlugu, PIN-kode puigorpiuk? tooruk
2. Midlertidig PIN-kode toqqaruk
3. PIN-kode arfineq pingasunik kisitsisitalik sms-issikkut nassiussassarsiarisimasat ikkuguk
4. PIN-kode arfinilinnik kisitsisilik nammineq pigisassat toqqaruk
5. PIN-kode arfinilinnik kisitsisitalik toortaqqiguk

Utaqqiisaasumik PIN-koderisassaq 30 minutsit iluani tigoreerneraniit atorsinnaavoq.

Innuttaasunut Sullissivimmut apuukkuit kinaassutsimut uppernarsaat atorlugu kinaassutsit uppernarsarlugu PIN-kode utaqqiisaasumik atugassat pisinnaavat. Innuttaasunik Sullissivimmut ornigutinnginninni piffissamik inniminneeqqaarnissat eqqaamassavat.  

Innuttaasunik Sullissivik nunaqarfimmiluunniit allaffik 
Kinaassutsimik uppernarsaat atuuttoq