MitID kodenik atuaasartoq atorlugu mannak iserlutillu akuersissaatit

MitID kodenik atuaasartoq inunnut isigiarsuttunut naatsorsuussaavoq. Kode ataasiartagaq nuisissavaa nipituumillu atuarlugu. Kode isissut ataasiartagaq MitID-mut isernermi imaluunniit akuersinermi allanneqassaaq.

MitID kodenik atuaasartumut isissagaangavit taannaluunniit atorlugu akuersissagaangavit atuisutut-ID aamma kode ataasiartagaq arfinilinnik kisitsisitalik kodenik nuisitsivimmeersoq toortaqqaartassavat. Kodenik atuaasartumi allermi talerpiata tungaani aappaluttoq tuugassaq toorlugu kode ataasiartagaq pissarsiarisinnaavat (ataatsimik toorneqarnera malugisinnaavat). Matuma kingorna kodet isissutit toortassavat - MitID atorlugu akuersivutit.

Akuersinnginninni eqqumaffigiuk

Isissutit toortarlugillu akuerigukkit ass. aningaasanik nuussinermi iliuuserissavat.

Oqaasertaa kissaatigisattut allaqqanngippat iliuuserisat unitsiguk.

Mit ID-t mianersuutiguk

Atuisutut ID isissullu MitID kodenik nuisitsivimmut immikkoortittuaannaruk.
Atuisutut ID-t, isissutit imaluunniit MitID kodenik nuisitsissutit allanut tunniutinngisaannakkit.
MitID kodenik nuisitsiviit annaagukku matujuk. MitID.dk-kkut taamaaliorsinnaavutit imaluunniit Innuttaasunut Sullissivimmut ornigunnikkut.
Eqqaamallugu sianerfigitimmermi akuersinngisaannassagavit ass. aningaaserivinneertuusaarluni, Innuttaasunut Sullissivimmeertuusaarluni imaluunniit aMitID Supportimeertuusaarluni.

MitID kodenik atuaasartumi toortagassat imannak atorneqartarput

Kode ataasiartagaq nuisiguk atuarlugulu (‘toortagaq aappaluttoq’ taamaallaat)
‘Toortagaq aappaluttoq’ ataani talerpiata tungaaniittoq tooruk. Ataatsimik toorneqartoq malugisinnaavat. Kode ataasiartagaq MitID atorlugu iserniaraangavit akuersiniaraangavilluunniit atortassavat.
Kode ataasiartagaq atuaqqiguk (‘toortagaq aappaluttoq’ + ‘0’)
Kode ataasiartagaq amerlsooriarlutit utersinnaavat. kode ataasiartagaq sekundit 20-t qaangiutinnginneranni uterneqarsinnaavoq. ‘Toortagaq appaluttoq’ allermi talerpiata tungaaniittoq ‘0’-ilu toortakkap aappaluttup saamiata tungaaniittoq ataatsikkut tuukkit.
Nipittoruk (toortagaq aappaluttoq’ + ‘9’)
‘Toortagaq appaluttoq’ allermi talerpiata tungaaniittoq ‘9’-ilu toortakkap aappaluttup qulinnguaniittoq ataatsikkut tuukkit.
Nipikilliuk (toortagaq aappaluttoq’ + ‘7’)
‘Toortagaq appaluttoq’ allermi talerpiata tungaaniittoq ‘7’-ilu qulaanit tulleriit pingajuanni siullersaasoq ataatsikkut tuukkit.
Atuaanera arriillisiguk (‘toortagaq aappaluttoq’ + ‘4’)
‘Toortagaq appaluttoq’ allermi talerpiata tungaaniittoq ‘4’-lu qulaanit tulleriit aappaanni siullersaasoq ataatsikkut tuukkit.
Atuaanera sukkallisiguk (‘toortagaq aappaluttoq’ + ‘6’)
‘Toortagaq appaluttoq’ allermi talerpiata tungaaniittoq ‘6’-ilu qulaanit tulleriit aappaanni kingullersaasoq ataatsikkut tuukkit.
Oqaatsit nikisikkit - qallunaatut tuluttullu toqqarsinnaavatit (‘toortagaq aappaluttoq’ + ‘1’)
‘Toortagaq appaluttoq’ allermi talerpiata tungaaniittoq ‘1’-ilu qulaanit tulleriinni siullersaasoq ataatsikkut tuukkit.
Kodenik atuaasartoq qamiguk (‘toortagaq aappaluttoq’ taamaallaat)
Kodenik atuaasartoq 20 sekundtit atorneqanngereeraangami nammineerluni qamittarpoq, nammineerlutilli qamissinnaavat. ‘Toortagaq aappaluttoq’ ataani talerpiata tungaaniittoq tooruk.
Serienormua atuartiguk (‘toortagaq aappaluttoq’ +m ‘5’)
‘Toortagaq appaluttoq’ allermi talerpiata tungaaniittoq ‘5’-ilu qulaanit tulleriit aappaanni qiterlermiittoq ataatsikkut tuukkit. ‘5’ marlunnik toorneqartoq malugisinnaavat.

Kodenik atuaasartoq aallartinniarlugu serienormua atussavat.