MitID chippi atorlugu mannak iserlutillu akuersissaatit

Ullormut arlaleriarlutit, ass. sulininnut atatillugu MitID-mut isertarnissat akuersisarnissalluunniit pisariaqartikkukku taava MitID chip ilinnoorpoq.

Nittartagaq iserfiginiakkat ammaruk.
Atuisutut ID aamma atuutilersitsinermut isissut toortakkit.
Isilernermi ass. quppernermi nuisussami toortagaq ’Start’ tooruk.
MitID chippi USB-kabelimit ilanngunneqartimi ikkuguk.
Chippimiittoq tuugassaq toorneratugut MitID atorlugu akuersigit.

Akuersereeruit igalaasaq allassimasulik ‘Brug din sikkerheds- nøgle med mitid.dk’ nammineerluni tammassaaq. Taamaammat ‘Annuller’ tuussanngilat.

Malugiuk: MitID chippi ikkukkukku MitID chip atorlugu akuerseqquneqassaatit. MitID chippi atorniarukku akuersissaatit.

MitID chipi imatut aamma ikkunneqarsinnaavoq:

Bluetooth:

MitID chippit qarasaasiannut, tabletinnut imaluunniit smartphoninnut atalersiguk (pair). MitID chippinniittoq toortagaq tooruk. Bluetooth IOS-imut atassusersinnaanngilaq, taamaallaat kontaktløs atorneqarsinnaavoq.

Kontaktløs:

MitID chippi NFC-chippimut atassuteqarpoq, soorlu akiliinermi kontaktløs atorneqarnerattut. Akuersiniaruit MitID chip attaveqafinnut atukkannut qanilliuk. Qarasaasiat, tabletit smartphonilluunniit NFC-chippeqarnissaa piumasaqaataavoq.

Akuersiniarnermi MitID chippinni toortagaq tuussanngilat - toortagaq atuutilersikkukku NFC-atuuteqarnera pinngitsoortissavat. Atuuffiup tunuatungaanut chippi qanillisiguk. Atuuffik assiaquteqarpat attaveqarnera kigaallisissinnaavaa. Taamaammat assiaquteqarpat peernissaa innersuussutigineqarpoq, atassuteqarnera pitsaanerutinniarlugu.

Siunnersuutit

IOS-ip MitID chipimut attavinitsinneratigut NFC atsaat tapersersinnaavaa - bluetooth-iinngitsoq. Taamaammat MitID chippimut atassuteqalerumallutik IOS-imik atuisut tamarmik NCF atussavaat.
MitID chippi IOS-mut attavilerukku chippip toortagaa tooqqusaanngilat. Taamaalioruit NCF-ip atuutai atorunnaarsissavatit.
MitID chippi IOS-imut attavilerneqarpat, chippi atuiffiup tunuanut inississavat, atassuteqarfiup qulaata affaani. Atuuffik qallerneqarpat peerallarnissaa siunnersuutaavoq, chippip atuutillu attaveqarneranut innarliisinnaammat.
Bluetooth Windows/Android-imi atuutilersinnginnerani attavilernissaa eqqaamassavat.