Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
dansk English kalaallisut
The page is not available in the selected language
Unfortunately, the page is not available in the selected language. The page is available in the languages listed below.
dansk English kalaallisut
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.
dansk English kalaallisut

Ilinnut 15-nik ukiulimmut MitID-qarneq

15-nik ukioqaleruit pisortaniit Digital Postimut ilanngunneqassaatit. Taassuma saniatigut MitID-qartariaqarpoq, taamaanngippat allagarsiatit atuarsinnaanngilatit. 15-nik ukiullit ilaat ass. bankimi kontominnut isersinnaaniassagamik MitID-qareertarput. Ullumikkut MitID-qanngikkuit pisaarnissat piffissanngorpoq.

MitID pingaaruteqarpoq pissutigalugu assigiinngitsorpassuarnut atortussaagakku, ass. ilinniaqqinnissannut imaluunniit SU-qalernissannut qinnuteqarnissannut. 15-nik ukioqarsimaleruit angajoqqaavit allagarsiatit tigusarunnaassavaat.

Paasisinnaavarput paatsiveerunnalaassappat. Kisianni isumaqaannarpoq nammineerlutit nittartakkanut assigiinngitsunut isersinnaanngussasutit, angajoqqaavillu taamaaliussuttatunnaassagaatsit.

MitID-taarnissamut periarfissat assigiinngitsuupput, kisianni periarfissani taakkunani assigiissutaat tassaavoq kinaaneerit uppernarsassagakku, allat illiusuusaarsinnaannginniassammata.

MitID pingaarnertut appiuvoq, ksianni appimik atugaqarsinnaanngikkuit allanik periarfissaqarpoq.

MitID aallartiguk

15-ninik ukiulimmut angajoqqaat

Qitornat 15-nik ukioqalerpat illit qitornallu Digitalinngortitsinermut Aqutsisoqarfimmiit allakkamik pissaasi. Allakkami tassani allaqqassaaq qitornat 15-liippat nammineerluni pisortaniit digitalimik allagarsisalissasoq, taamaammat MitID-qalertariaqassasoq - imaluunniit Digital Postimiit pinngitsoorsinnaatitaanermik qinnuteqarluni. Tassa isumaqarpoq illit angajoqqaatut qitornat sinnerlugu allagarsisarunnaassasutit. Angajoqqaatut qitornavit MitID-taarnissaanut ikiornissaa pingaaruteqarpoq. Akisussaaffik tigusinnaanagulu tigoqqusaanngilat, MitID-mi namminermut tunngassuteqarluinnarmat, kisianni MitID suuneranik qanorlu atornissaanik paasissutissiisinnaavutit.

  • Qitornavit 15-liinnginnerani MitID pillugu oqaloqatiginissaa isumassarsiatsialaavoq. Taamaalillutit qitornavit 15-liinissaanut susoqassanersoq, akisussaaffillu suna malitsigissaneraa piareersassavat.
  • MitID-mi allannguutaasinnaasut pillugit paasissutissat eqqumaffigikkit, paasissutissallu taakku qitornannut ingerateqqikkit paasinninnissaanullu ikiorlugu.
  • Angajoqqaatut qitornavit MitID-taarnissaanut qanoq ikiorsinnaanerlugu atuarlutit paasisaqarnerugit
  • Qitornavit MitID unammillernartortaqartippagu apeqqutissaqarpalluunniit MitID Support attaviginissaanut ilitsersuuguk, imaluunniit MitID hjælpeuniverset pillugu nassuiaatiguk. Eqqaamallugu MitID namminermut tunngasuummat, taamaammat qitornat nammineerluni ikiortissarsiussaaq ass. supportimiit ikiorneqarniaruni.

Qitornavit 15-nik ukiullip MitID-a atorsinnaanngilat, kisianni immikkut pisariaqartitalimmut angajoqqaajuguit Digitalukkut pisinnaatitsissut, imaluunniit qitornarisap digitalimik allagarsiai atuarsinnaanissaanut periarfissaq ilissinnut iluarsiissutaasinnaavoq.

Qitornavit 15-nik ukiullip assersuutigalugu digitalikkut allagarsiani atuarnissai pillugit tapersiisinnaanissannut periarfissaqarnerit oqaloqatigissutiginissaa innersuutigaarput... Qitornavit 15-nik ukiullip Digital Postianut atuarnissamut periarfissaqalissaguit Digital Postikkut borger.dk-kkut isersinnaanngorteqqaassavaatit, imaluunniit kommunemi ikiortillusi.

Digital Postikkut atuarnissamut periarfissaqalerneq pillugu atuarlutit paasisaqarnerugit (danskisut)

Iluarsiissut alla Digitalikkut oqartussaassuseqarneq periarfissaavoq Qitornavit Digitalikkut pisinnaassuseqartilerpatit ass. qitornavit nalunaarsuiffia Sundhed.dk-kkut takusinnaavat.

Digitalikkut piginnaassuteqartitaaneq pillugu atuarlutit paasisaqarnerugit