Assigiinngitsutigut MitID-mik pissarsisoqarsinnaavoq. Kisianni kinaanerit uppernarsassavat - allat illiusuusaarsinnaassanngimmata.
- Pas imaluunniit kinaassutsimut uppernarsaat atorlugu MitID-taarit
Nunami allamiit passit kinaanermulluunniit uppernarsaatit atorlugu MitID-taarit. Passi/kinaanermut uppernarsaat oqarasuaallu skannerisinnaasoq taamaallaat pisariaqarput.
- Innuttaasunik sullissivimmi MitID-taarit
Innuttaasunik sullissivimmi MitID-mik pissarsisinnaavutit - ass. passit kinaanermik uppernarsaatit skannerutigalugu atorsinnaasannik oqarasuaateqanngikkuit. Piffissamik inniminniigit, Innuttaasunut Sullissivimmullu kinaassutsinnut uppernarsaammik atuuttumik nassassarlutit ornigutigit, kinaanerit uppernarsarniarlugu apeqqutinik tulleriiaanik akisassaqassaatit/kinaaninnut uppernarsaasinnaasumik ilagisaqarlutit.
Innuttaasunik Sullissivik nunaqarfimmiluunniit allaffik
Kinaassutsimik uppernarsaat atuuttoq
Nunami allamiuuguit Danmarkilluunniit avataani najugaqaruit Innuttaasunut Sullissivimmut uppernarsaasumik ilagisaqarnissat innersuutigaarput, illit pillutit Inuup-normiut nalunaarsuutaani paasissutissat amigaateqaeqarsinnaanerat peqqutigalugu. Innuttaasunik Sullissivimmi uppernarsaatinik pisariaqartinneqartunik peqarnissat eqqumaffigissavat. Ass. imminut kiffartuussiviit amerlanerusut iserfigisinnaanissaat anguniarlugu MitID-taarniaruit imaluunniit MitID erhverv atussagukku tamanna immikkut pingaaruteqarpoq.
Qallunaat suliffeqarfiat sinnerlugu digitalikkut iliuuseqarniarlutit MitID erhverv atorusukkukku www.mitid-erhverv.dk-mi paasisaqarnerusinnaavutit.
Inuup normoqanngikkuit
Inuup normoqanngikkuit P-kodemik pisinnaavutit. P-kode arfineq pingasunik kisitsiseqarpoq, taakkulu MitID appimi inuup normua taarsiullugu toortassavatit, MitID atorlugu pas/ID-korteqaruit taassuminngaluunniit allanngortitsiniaruit. Maannakkut imminut sullinnissamut aaqqiissutit amerlanerit inuup normoqarnissamik piumasaqaateqarnerat eqqumaffigeqquarput. Taamaammat P-kode atorlugu MitID-nut pilersinneqarsimasunut taakkunani isertoqarsinnaanngilaq.
P-kodemik pissarsigit
Siornatigut Danmarkimi najugaqarnikuuguit
Danmarkimi najugaqarunnaarnikuuit danskillu imminut sullinnissamut aaqqiissutaannut isertarnissat pisariaqarunnaarnukuua? Taava MitID pisariaqartinngilat