Allat MitiD-taarnissaannik ikiukkit

MitID-taarnissamut ikiortissaqaraluartoq tatigisamik tapersersorneqalaarnissaq aamma iluaqutaasinnaavoq. Taamaammat ikioqatigiinnissaq pitsaassaaq - taamaallaat soqqusaanerluni soqqusaannginnerluniluunniit eqqumaffigineqannassaaq, tassami MitID inummut tunngalluinnarmat. Illit saniatigut ikiorneqarnissamik pisariaqartitsiguit ilinnik ikiuisussamut una takutissinnaavat.

Imaalioqqusaavutit

MitID-taarnissamut piareersarneq

MitID pillugu paasissutissanik ujaasisinnaavutit, imaluunniit MitID-taarnissamut ikiukkat piareersarsinnaavat.

MitID-taarnermi tulleriiagassat ingerlanneranni

Attavissatut paasissutissat ass. oqarasuaativit normua e-maililluunniit allallugillu allanngortissinnaavatit.
Sms-imiit e-mailimiilluunniit paasissutissat allassinnaavatit, ass. oqarasuaatip angallattakkap normua atuutilersinnerani.
Atuisutut ID pitsaasoq ninngusoorlu qanoq pilersinneqarsinnaanera pillugu ikiukkat oqaloqatigisinnaavat - kisianni kode isissut suunera paaseqqusaanngilat.

Imaalioqqusaanngilatit

Ikiukkavit namminermi koderisai takoqqusaanagillu nalunngeqqusaanngilatit Kodet isissutissat allanut paasissutissiissutigineqaqqisaanngillat.
Ikiukkavit MitID kodenik nuisitsivia, MitID kodemik atuaasartua imaluunniit MitID chippi atoqqusaanagulu toqqortareqqusaanngilat. Inunnut namminermut tunngapput MitID-mullu atassuteqartup taamaallaat toqqortatigisinnaavai.

Allamut isigigit

Taamaammat ikiukkavit uku toortalerpagit atuutilersitsilerpagilluunniit allamut isigisassaatit:

MitID appi atorlugu akuersinermi PIN-kode isissutissaq atorneqartussaq.
MitID kodenik nuisitsivik imaluunniit MitID kodenik atuaasartoq toqqarsimaguniuk kode isissut atugassaq.

Allat sinnerlugit MitID-taartoqarsinnaanngilaq

Allat sinnerlugit MitID-taarsinnaannginnerit eqqumaffigiuk. Inuk nammineerluni MitID-taarsinnaanngitsoq - immaqa uani taakkartorneqareertunik ikiorneqareeraluarluni - suli nammineerluni akuersinissani imminullu sullinnermi iluarsiissutinut iserniaruni pisariaqartitsiguni innuttaasunut sullissivimmut orniguttariaqassaaq.. Innimut kiffartuunnertigut aaqqiinermi inuk ikiorneqarusukkuni ass. qanigisaminit, qanigisaa sammisami pineqartumi piginnaassuseqartitaasariaqarpoq. Pisinnaatitsissut MitID-lu pillugit atuarlutit paasisaqarnerugit

Allap MitID-taarnissaanik ikioruk

MitID-taarnissamut ikiorneqalaarnissamik pisariaqartitsisumik nalunngisaqaruit maanna ikiuinissat ajornannginnerulerpoq - ass. Innuttaasut Sullissivimmukarnissaq eqqarsaatigalugu. Ikiukkat atuuttumik pas-eqassaaq. Pas-imik scannerisinnaasumik oqarasuaateqassaatit. Oqarasuaarternut teknik-ikkut piumasaqaatit pillugit atuarlutit paasisaqarnerugit

Nunami allamiut pas/ID-kortiat atorlugu MitID-taarnissaanut ikioruk

Assersuutigalugu qanigisaqarpit nunami allamiit passi/ID-kort-ilik, oqarasuaamminiilu nammineerluni scannerisinnaanngitsoq? Taava illit oqarasuaatit atorsinnaavarsi. Paasissutissanik namminermut tunngasunik oqarasuaatit toqqugaqarnavianngilaq uninngatitsinaviarnanilu.

Nunami allamiut pas/ID-kortiat atorlugu MitID-taarnissaanut ikioruk

Innuttaasunik sullissivimmi MitID-mik pissarsigit

Innuttaasunik sullissivimmi MitID-mik pissarsisinnaavutit, ass. atorsinnaasannik mobiileqanngikkuit.

Innuttaasunut Sullissivimmi MitID-taarnissannut ikiorneqarusukkuit kinaassutsinnut uppernarsaammik atuuttumik nassassaatit, illillu pillutit apeqqutinik tulleriiaanik akisassaqassallutit (inuup normuannut allattorsimaffianni nalunaarsorneqarnikut aallaavigalugit - aamma illit kinaaninnut uppernarsaasinnaasumik ilagisaqarsinnaavutit.

MitID-mik aaqqiissummi kinaassutsimik uppernarsaat atuuttoq

Innuttaasunik Sullissivik qaninnerpaaq nassaariuk