Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
The page is not available in the selected language
Unfortunately, the page is not available in the selected language. The page is available in the languages listed below.
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.

MitID pillugu

MitID tassaavoq illit inuttut digitalikkut kinaassutsit taannalu toqqissisimallutit interneternissannut qulakkeerinneqataassaaq.

MitID tassaavoq kinaassutsit digitaliusoq, taannalu ilaatigut netbankimi aningaasanik nuussiniarlutit pisortaniluunniit imminut kiffartuussissutinut soorlu skat-dk-mut, borger.dk-mut aamma sundhed.dk-mut iserniarlutit atorsinnaavat. MitID nunani tamalaani isumannaallisaanermi piumasaqaatinik nutaanerpaanik naammassinnippoq tamatumalu saniatigut immikkoortukkuutaarlunilu eqaatsumik aaqqissorneqarsimammat siunissami isumannaallisaanermi ulorianartoqarnissaanut tulluarsarneqarsinnaavoq, soorluttaaq siunissami digitalikkut unammilligassat periarfissallu isumagineqarsinnaassapput.

MitID pingaarnertut appiuvoq, tassani nittartakkakkut iliuuseriniakkat swiperluni akuerineqarsinnaapput. MitID app atorsinnaanngikkaanni atorusunngikkaanniluunniit tigussaasunik allanik periarfissaqarpoq - MitID kodenik nuisitsivik, MitID kodenik atuaasartoq aamma MitID chip. MitID akeqanngitsumik pissarsiarineqarsinnaavoq atornissaalu akeqarnani.

MitID pisaariniaraanni minnerpaamik 13-nik ukioqartariaqarpoq. Taamaattorli imminut kiffartuussissutinut ataasiakkaanut ukiutigut qummut killeqarsinnaavoq, tamatumunnga tunngatillugu neqerooruteqartut ataasiakkaat aalajangiisarput.

MitID-qarnissaq piumasaqaataanngilaq.

Uani paasisaqarnerugit: MitID imatut atussavat

Inuttut MitID-it sianigiuk

MitID-ip aqqa ilisarnaataalu atorlugit MitID namminermut, digitalikkut kinaassutsimut namminermut tunngasuunera paasitikkusupparput. Isumannaallisaaneq eqqarsaatigalugu malittarisassat nutaanerpaat MitID-mit malinneqaraluarlutik suli inuttut MitID sianigineqartussaavoq. Taamaammat koditit atuisutulluunniit ID-tit allanut tunniutinngisaannassavatit - aamma taamaallaat nammineq aallartissimasatit MitID atorlugu akuerisassavatit.

Uani paasisaqarnerugit: MitID - aaqqiissut isumannaatsoq

MitID - pisortanit aningaaserivinnillu ineriartortinneqarlunilu pigineqarpoq

Pisortani nunamilu aningaasaateqarfiit akornanni immikkuullarissumik suleqatigiittoqarneratigut MitID pilersinneqarpoq. Aaqqiissummik ataatsimik pilersitsinissaq suleqatigiinnermi assut kissaatigineqarsimavoq, taamaalillutit illit atuisutut pisortat namminersortullu sullissiviinik assigiinngitsunik atuisinnaaniassagavit - borger.dk-mut, skat.dk-mut isernissat netbankimiluunniit aningaasanik nuussinissat apeqqutaatinnagu.

MitID-partnerskabi Digitaliseringsstyrelsenimit inuttaqarpoq, tassanilu naalagaaffik, Danmarkimi nunap immikkoortui kommunillu sinniisuutitaqarput, nunamilu aningaaseriviit soqutigisaqatigiiffitsik, Finans Danmark aqqutigalugu sinniisuutitaqarput. MitID-partnerskabet taamaallaat MitID-mit pigineqarpoq.