Atuisutut-ID
Atuisutut ID allanut eqqoriaruminaatsoq eqqaamajuminartorli toqqassavat, assersuutigalugu kisitsisit, naqinnerit killiffilersuutillu atornerisigut. Tamatuma saniatigut atuisutut-ID allanut tunniutinngisaannassavat - MitID Support minillugu. MitID.dk aqqutigalugu atuisutut-ID allanngortittuaannarsinnaavat.
Inuup-normut atuisutut ID-tut atorsinnaanngilat. Ataatsimut isumannaallisaanerup qaffasinnerunissaa matumani anguniarneqarpoq, tassa imaappoq atuisutut ID immikkuullarissuussaaq aamma atuisutut-ID-mi inuup normu atorneqassanngilaq, ilisimaneqalersinnaammat.
Atulinnginnerani atuutilersitsineq
MitID appip, kodenik nuisitsiviup, kodenik atuaasartup imaluunniit chippip atulinnginnerini atuutilerseqqaassavatit. Tassa imaappoq assersuutigalugu MitID kodenik nuisitsivik allakkanik nakkartitsivimmiittoq tigoriarlugu pinerluttut tillissinnaassanngilaat taamaalillutillu sinnerlutit atorsinnaassanagu. Tamanna aamma MitID appimut atuuppoq, taannami kodet ataqatigiinngitsut marluk atorlugit atuutilersinneqassaaq.
Pisut pingaarutillit pillugit nalunaarutit
Pingaarutilinnik pisoqarpat, assersuutigalugu MitID app atortorissaarummi nutaami atuutilersinneqarpat imaluunniit MitID kodenik nuisitsivik atuutilersikkaanni MitID appi, SMS e-maililuunniit aqqutigalugu nalunaarutisissaatit. Nammineq inuttut MitID-it tamatigut atorneqaraangat nalunaarutisinissat toqqarsinnaavat. Taamaalillutit illit iliuuserisariaqakkannik MitID-mi pisoqartillugu nalunaarutisisassaatit.
MitID-taaruit nalunaarutit suut tigusassanerlugit sukkullu nalunaarutisisassanerlutit nammineq aalajangissavat. MitID.dk-mi allanngortittuaannarsinnaavat.
Assigiinngitsutigut marlutsigut nalunaarutisisarnissaq innersuussutigineqarpoq. MitID nalunaarutinik nassiussinissamut iluatsitinngippat allatigut nalunaarutisisinnaavutit.
Allassimasumi takuneqarsinnaassaaq sulernersutit
MitID-mi allassimassaaq sulernersutit (assersuutigalugu ‘Log på’). Allassimasut iliuuseriniarlugu kissaatigisattut inngippata imaluunniit iliuuserineqalersoq ilinnit aallartinneqarsimanngippat MitID-mi akuersissanngilatit.