Siden er ikke tilgængelig på dit ønskede sprog. De tilgængelige sprog er nævnt nedenstående.
Pas-it atorlugu MitID-taarit
Qallunaat, kalaallit savalimmiormiulluunniit pas-ii atorlugit MitID-taarit
MitID-taarumallutit malitassat uku malissavatit:
- Oqarasuaatit pas-illu misissukkit
- MitID appi aassavat ammarlugulu
- Pas-ip kodea scanneruk, chippia scanneruk kiinnallu scannerlugu
- Atuisutut ID pilersiguk
- MitID atuutilersiguk inniminnerluguluunniit
Nunami allamiut pas/ID-kortiat atorlugu MitID-taarit
MitID-taarumallutit malitassat uku malissavatit:
- Oqarasiaatit, pas/ID-kortit misissukkit - P-kodemik pissarsigit
- MitID appi aassavat ammarlugulu
- Pas-ip kodea/ID-kortip kodea scanneruk, chippia scanneruk kiinnallu scannerlugu
- Atuisutut ID pilersiguk
- MitID atuutilersiguk inniminnerluguluunniit
Aamma MitID Innuttaasunik Sullissivimmut aasinnaavat
Allap MitID-taarnissaanik ikioruk
MitID-taarnissamut ikiorneqalaarnissamik pisariaqartitsisumik nalunngisaqaruit maanna ikiuinissat ajornannginnerulerpoq - ass. Innuttaasut Sullissivimmukarnissaq eqqarsaatigalugu. Ikiukkat atuuttumik pas-eqassaaq. Pas-imik scannerisinnaasumik oqarasuaateqassaatit. [MitiD.dk/tekniske-krav]-imi oqarasuaammi teknikkikkut piumasaqaatit pillugit paasisaqarnerugit.
- Alla pas-ilik nutaanerusumillu oqarasuaatilik ikioruk
- Alla pas-ilik pisoqaanerusumillu scannerisinnaanngitsumik oqarasuaatilik ikioruk
- Nunami allamiut pas/ID-kortiat atorlugu MitID-taarnissaanut ikioruk
MitID appimi pas-funktionaliteteqarpoq. Tassa imaappoq kinaassutsimik uppernarsaasinnaasumik atuuttumik pas-eqaraanni/ID-korteqaraanni MitID appimi toqqaannartumik MitID-taartoqarsinnaavoq. (Pas atorlugu) kinaassuseq uppernarsarneqassaaq, atuisutut ID-mik pilersitsisoqassaaq MitIDappilu atuutilersinneqarsinnaavoq. Suut tamaasa appimi ingerlanneqartarput. Matuma kingorna MitID atorneqariaannanngorpoq.
Nammineq oqarasuaat atorlugu qanigisat ikiorneqarsinnaapput. MitID-taassappata Innuttaasunik Sullissivimmukartariaqanngilatit. Paasissutissat inummut tunngasut oqarasuaammi pas-imik scannerinermut atorneqartumi toqqorneqarnavianngillaq uninngasuutigineqarnaviarnatillu. Inuk MitID-taarnissamik ikiorneqarsimasoq naggataatigut mobiilimini MitID appeqalissaaq imaluunniit MitiD kodenik nuisitsivimmik inniminniisinnaanngussaaq atuutilersitsisinnaanngussalluniluunniit.
Pas/ID-korti chippilik atuuttoq atussavat. Pas-imut ID-kortimullu piumasaqaatit pillugit paasisaqarnerugit.
Pas-imik scannerisinnaasumik oqarasuaateqassaatit aamma systeminik aqutsissut nutarterneqarsimassaaq. Oqarasuaatip indstilling-iani misissorsinnaavat.
Oqarasuaartinnut teknikikkut piumasaqaatit pillugit paasisaqarnerusinnaavutit.
Toqqaannartumik MitID-mi MitID-kodenik nuisitsivimmik, kodenik atuaasartumik chippimillu inniminniisoqarsinnaavoq. MitID appimi pas-ivit scannerneratigut kiinnavillu scannerneratigut kinaanerit uppernarsassavat - matumalu kingorna kodemik nuisitsivik, kodenik atuaasartoq chippiluunniit inniminnerneqarsinnaavoq/atuutilersinneqarsinnaavoq.
MitID-qareeruit ass. MitID kodenik nuisitsivimmik sillimmateqarnissat pitsaassaaq, taamaalillutit ass.oqarasuaatit katassagukku MitID-mik suil atuisinnaassaatit. Appimi toqqaannartumik taamaaliorsinnaavutit.
Qanoq MitID-mik sillimmatissannik pissarsisinnaaninnut tunngatillugu paasisaqarnerugit.
Oqarasuaatit inuup pas-ianik scannerisinnaappat qanigisavit MitID-taarnissaanut ikiornerani oqarasuaatit atorsinnaavat (immikkoortumi ‘Hvilke krav er der til pas og telefon)’-imi paasisaqarnerusinnaavutit. Paasissutissat tamarmik paasiuminaallisakkatut suliarineqassapput aamma MitID appimi paasissutissat pas-imit atuarneqarsimasut imaluunniit kiinnamik scannerinermi pissarsiarineqarsimasut toqqorneqassanngillat. Teknologiimut tunngatillugu timmisartoqarfinni pas-imik nakkutilliissutit ilisimasavut eqqarsaatigalugit kiinnamik sanilliussineq assigaa.
Taamaattorli eqqumaffigissavat ikiukkavit atuisutut-ID-ia namminerluunniit PIN-kodea ilisimaqqusaannginnakkit.