Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
dansk English kalaallisut
The page is not available in the selected language
Unfortunately, the page is not available in the selected language. The page is available in the languages listed below.
dansk English kalaallisut
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.
dansk English kalaallisut

MitID atorlugu phishing peqquserlunnerlu

Aaqqiissutit digitaliusut amerliartortillugit amerlasuut qarasaasialerinermi pinerlunnerit nalaattarpaat. Taamaammat MitID-vit paarilluarnissaa aamma MitID pillugu paasissutissat allanut tunniutinnginnissaat aamma ass. MitID Supportimeertuusaartunut aningaaserivimmeertuusaartunulluunniit tunniutinnginnissaat pingaaruteqarpoq.

MitID qarasaasialerinermi pinerluttunut ima illersussavat

MitID-mut iseruit taannaluunniit atorlugu akuersiguit kinaanerit uppernarsartarpat. Allat MitID-it pissarsiarippassuk illiusuusaarsinnaapput. Taamaammat MitID-vit imaluunniit MitID-mi paasissutissat ilinnut tunngasut allanut avitseqatigiissutiginngisaannarnissaat pingaaruteqarpoq. Atuisutut ID kodetillu ilinnut kisimik tunngassuteqarput taakkulu isumannaatsuuppata illit aamma isumannaatsuussaatit.

Qarasaasialerinermi pinerluttut ilinnut sms-erlutik e-mailerlutilluunniit paasissutissat ilinnut tunngasut pissarsiariniarsinnaavaat, taakku aningaaserivimmiit suliffeqarfimmiit oqartussaasuniilluunniit tutsuiginartumit isikkoqarpasissinnaapput. Ilinnut sianersinnaapput aamma MitID Supportimeertuusaarsinnaapput. Ass. MitID-vit matuneqannginniassammat atornerlunneqannginniassammalluunniit sukkaannaq qisuariarnissannut kajumissaarsinnaavaatsit.

Saaffiginnissutit taakku uppernarpasissinnaagaluartut e-mailikkut, sms-ikkut oqarasuaatikkulluunniit paasissutissanik allanut tusarliuteqqusaanngitsunik tunniussinngisaannassaatit. Pisortani oqartussaasut suliffeqarfiilluunniit MitID-mut tunngatillugu paasissutissanik piumasaqarnavianngillat.

MitID-vit atornerlunneqarnera pillugu pasitsakkuit MitID-vit matuneqarnissaa anguniarlugu sapinngisamik piaartumik MitID Supportimut attaveqartariaqarputit. MitID Support +45 33 98 00 10 attavigiuk.

MitID-it ima illersussavat

  1. MitID-mi kodet allanut takutinngisaannarlugillu tunniutinngisaannassavatit.
  2. MitID appi, kodenik nuisitsivik, kodenik atuaasartoq chipiluunniit allamut tunniutinngisaannaruk. Taamaattorli appi inoqutigiinni allanik avitseqatigiissutigineqarsinnaavoq, atuisutut-ID aamma PiN-kode nammineq pigigaanni.
  3. MitID Supportip nammineq attaviginera eqqaassanngikkaanni atuisutut-ID allanut avitseqatigiissutiginngisaannassavat.
  4. MitID QR-kodet allanut avitseqatigiissutiginngisaannakkit. Skærmimi assilisaq nassiutinngisaannarluguluunniit skærmimi avitseqateqanngisaannarit.
  5. MitID-mik suna akuerilernerlugu atuartuaannaruk. Allassimasut kiliuuseriniarlugu issaatigisattut inngippata imaluunniit iliuuserineqalersoq ilinnit aallartinneqarsimanngippat akuersissanngilatit.

Sammisat