Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
The page is not available in the selected language
Unfortunately, the page is not available in the selected language. The page is available in the languages listed below.
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.

MitID-mut tunngatillugu isumannaallisaaneq

Teknikkip ineriartortinnera, isumannaallisaanermi periutsit, isumannaallisaanermi misissuineq nakkutilliinerlu eqqarsaatigalugit MitID isumannaallisarneqarsimavoq, taakkulu Digitaliseringsstyrelsenimit ukiut tamaasa isumagineqartarput.

MitID tassaavoq qallunaat suliffeqarfiinut, inunnut ataasiakkaanut oqartussaasunullu ataatsimut aaqqiissut. Taamaammat aaqqiissummi isumannaallisaanerup tunuliunneqannginnissaa pingaaruteqarpoq aamma kinaassutsimik uppernarsaasarnerit eqqarsaatigalugit MitID-imi isumannaallisaanerup tungaatigut malittarisassat nutaanerpaat malinneqarnissaat pingaaruteqarpoq.

Teknikkikkut ineriartortinnera

NSIS-imi malittarisassat eqqortinnissaat siunertaralugu MitID ineriartortinneqarsimavoq, taannalu eIDAS-imik peqqussummik qallunaat atuutilersitsineraat.

NSIS pillugu paasisaqarnerugit (igalaasami nutaami ammassaaq).

Tamatuma saniatigut akuersisarnermut malittarisassat nutaaliaasut MitiD-mi tunngavigineqarput, assersuutigalugu OAuth2.0 aamma OpenID Connect. Brokerit aamma RA-organisationit teknologiip tungaatigut naleqqunnerpaamik atuisinnaanngorlugit MitID ilusilersorneqarsimavoq.

Aaqqiissummi matuersaatit kryptografiskiusut hardwaresikkerhedsmodulinik taaneqartuni sananeqarsimapput. Isersinnaanermik nakkutilliineq sensorinillu, tassa modulimi unioqqutitsilluni isertoqarneranik misissuisartunik imaqarnissaat modulini qulakkeerneqartarpoq. Isertoqariaraluarpat matuersaatinik pissarsisoqannginnerani matuersaatit peerneqarumaarput. FIPS 140-2-imi malittarisassat naapertorlugit modulit akuerineqarsimapput.

Suliassaqarfimmi ineriartorneq ilutigalugu aaqqiissutinut kryptografiskiusunut allanut ajornanngitsumik taarsiisinnaanissaq siunertaralugu MitID ineriartortinneqarsimavoq.

Isumannaallisaanermi periutsit

MitID-mi aaqqiissummik atuisut, ilaatigut brokerit, RA- aamma suliffeqarfiit ikiuisarnermik suliallit amerlapput. Namminneq aaqqiissummik ineriartortitsinissamut MitID-mullu tulluarsaanissaminnut periarfissaqarput, taamaalilluni MitID siunertanut assigiinngitsorpassuarnut atorneqarsinnaavoq.

MitID erseqqissunik suleriaaseqarpoq erseqqissumillu nassuiarneqarsimasunik malittarisassaqarpoq peqataasut naammassisassaannik. Aaqqiissummi isumannaallisaaneq qaffasissoq ima qulakkeerparput.