Paasissutissat inummut tunngasut pillugit politikki

Saqq. 1.7

Paasissutissat ilinnut tunngasut pillugit qanoq suleriuseqarnersugut paasissutissat il.il.

Aallaqqaasiut

Inunnut paasissutissat pillugit MitID-mi politikki una, Digitalimik Sullissinermut Aqutsisoqarfimmi
paasissutissat ilinnut tunngasut, MitID-mut tunngatillugu qanoq atorneqartarnersut, ililllut
tamatumunnga atatillugu suut pisinnaatitaaffigineritit pillugit nassuiaavoq.

Suliffeqarfiit aqqutigalugu atuisuuguit, MitID-lu suliffeqarfinnut atugassiaq atorlugu, inunnut
paasissutissat pillugit MitID Erhvervimi politikki, mitid-erhverv.dk-mi takuuk.

1. Nalunaarsuutinik akisussaasuuvugut - qanoq attavigisinnaavatsigut?

Digitaliseringsstyrelsen (Digitalimik Sullissinermut Aqutsisoqarfik) paasissutissanik ilinnut
tunngasunik suliarinninnermi nalunaarsuutinik akisussaasuuvoq. Attaveqarfissat ataani
nassaarisinnaavatit.

Digitaliseringsstyrelsen
Landgreven 4
1301 København K
CVR-nr.: 34 05 11 78
Oqarasuaat: 33 92 52 00
Mail: digst@digst.dk

2. Paasissutissanik illersuinermi siunnersortimut attavissat

Paasissutissat ilinnut tunngasut suliarineqartarneri pillugit apeqqutissaqaruit, paasissutissanik
illersuinermi siunnersorti attavigisinnaavat.

Nalunaarsuutinik illersuinermi siunnersorti ataani allassimasut malillugit attavigineqarsinnaavoq:

• Digital Postikkut: Digitaliseeriinermut Aqutsisoqarfimmut nalunaarummik nassiussigit
  qulequtserlugu: Paasissutissanik illersuinermut siunnersorti
• E-mailikkut: dpo@digst.dk. Paasissutissanik illersuinermi siunnersorti e-mailikkut
  attavigerusukkukku qinnuigineqarputit, CPR normut imaluunniit paasissutissat allat
  mianerisassat ilannguteqqunagit.
• Allakkatigut: Digitalimik Sullissinermut Aqutsisoqarfik, Att.: Databeskyttelsesrådgiveren,
  Landgreven 4, 1301 København K.

3. Paasissutissanik ilinnut tunngasunik suliarinninnermut inatsisitigut tunngaviup siunertaa

Digitalimik Sullissinermut Aqutsisoqarfiup paasissutissanik inummut tunngasunik
suliarinnittarneranut siunertaq tassaavoq:

• Digitalikkut kiffartuussisunut iserniarnermi MitID-mik atulersitsineq, aqutsineq atuinerlu.

Paasissutissanik ilinnut tunngasunik suliarinnittarnitsinnut inatsisitigut tunngaaviup siunertaa:

• Paasissutissanik ilinnut tunngasunik suliarinninnissamut tunngavik tassaavoq MitID-mut
  NemLog-inimullu inatsik (Inatsik nr. 783, 4. maj 2021, MitID-mut NemLog-inimullu
  tunngasoq, inatsik 1559, 12. deceber 2023 naapertorlugu allanngortinneqartoq) aamma
  paasissutissanik illersuinissamut peqqussummi immikkoortortaq 6, stk. 1, litra e,
  paasissutissat inummut tunngasut nalinginnaasut kiisalu paasissutissanik illersuinissamut
  inatsik § 11, stk. 1, cpr-normunik suliarinninnermut tunngasoq.

Digitalimik Sullissinermut Aqutsisoqarfik paasissutissanik ilinnut tunngasunik
suliarinnissanngilaq, siunertaq MitID-mik aqutsinermut atuinermullu tunnganngippat.

4. Paasissutissat inummut tunngasut suussusaat

Paasissutissani ilinnut tunngasuni suussutsit ataani allassimasut suliarisarpagut:

• Ateq tamakkerlugu (pinngitsuugassaanngitsoq)
• Ulloq inunngorfik (pinngitsuugassaanngitsoq)
• Atuisutut ID (pinngitsuugassaanngitsoq)
• Attavissat
  • E-mailadresse (toqqarsinnaasaq)
  • Mobilnormu (MitID appi atussappat pinngitsuugassaanngitsoq)
  • Najugaq sumi najugaqarnermut uppernarsaammiittoq (CPR-imiit ingerlaannartumik aaneqartarpoq)
  • Najugaq qinigassaq alla (toqqarsinnaasaq)
• MitID-mik pilersitsinermi kinaassutsimik uppernarsaatit allagartat misissuinermilu apeqqutit atukkat pillugit paasissutissat.
• Kinaassutsimik uppernarsaatip normua ass. passip normua iml. ingerlatitsisinnaanermut allagartap normua maluunniit najugaqarsinnaanermut akuersissutip normua, paasissutissanik allanik ilanngusseqqaarluni atorsinnaasoq.
• MitID appi atorlugu kinaassutsimik qulakkeerinninnermi imaluunniit kinaassutsimik uppernarsaatinik matugallartitanik atuutilersitseqqinnermi nalunaarsuutit atorneqartut:
  • Passimi assi, paasissutissallu inummut tunngasut quppernermi assitalimmiittut (imauunniit kinaassutsimik uppernarsaat alla ICAO-imut atassuserneqarsinnaasoq).
  • Qulakkeerinninnermi kiinaq ilumoortoq (assiinnaanngitsoq) atorneqarnersoq paasiniaanermi video
  • 3D atorlugu kiinnamik ilisarsissummut atortut
• MitID appimik kopeerinermi imaluunniit mobilimiit/tablet-imiit allamut MitID appimik nutaamik atuutilersitsinermi, mobilit/tabletit marluk imminnut qanillutik inissisimanerat qulakkeerniarlugu paasissutissat atorneqartut.
  • Android 11-imik pisoqaanernilluunniit atuisunut, sumiiffimmut paasissutissat atulersinneqarnissaat piumasaqaataavoq. Sumiiffiit atorlugu sulianik allanik ingerlatsissanngilagut.
• Ajutoorfiusinnaasunut nalunaarsuutit
  • Log-innernermi internetimut attavimmut paasissutissat atortorissaarutillu suussusaanut paasissutissat, paasissutissat kinaassutsimut tunngasut kingullermillu atuineq.
• Uppernarsaanermi akissut
  • Ukuninnga imaqarpoq: atit, kinaassusersiiniarnermi matuersaatit assigineqanngitsoq, sessionimut id assigineqanngitsoq, sessionimi kinaassutsimik uppernarsaatit atukkatit, ajutoorfiusinnaasunut nalunaarsuutit, kinaassutsimut nalunaarsuutit uppernarsaanermilu nalunaarsuutit.
• CPR-imit paasissutissat

4 A. Atsiortoq

• Inummut allamut MitiD-mik qinnuteqartumut uppernarsaasutut atsiortuuguit
  • Uppernarsaasutut atsiortunut paasissutissat ukuninnga imaqarsinnaapput: kinaassutsimik
    uppernarsaatip suussusaa, kinaassutsimik uppernarsaatip

5. Tunniussiffiit imalunniit tunniussiffiit suussusaat

Tigusissussanut ukununnga paasissutissat ilinnut tunngasut ingerlateqqittarpagut imaluunniit akisussaatittarlugit:

Digitalimik Sullissinermut Aqutsisoqarfiup pisuni aalajangersimasuni pisortaqarfinnut allanut paasissutissanik ingerlateqqiinissaminut pisussaaffeqartarpoq. Paasissutissanik inunnut tunngasunik ingerlatitseqqiineq taamaallaat pisarpoq, pisortat suliaannut pisariaqaraangat.

IN Groupe Denmark A/S tassaavoq Digitalimik Sullissinermut Aqutsisoqarfiup nalunaarsuutinik suliarinnittarfia MitID-millu aaqqiissummik pilersuisoq. Erhvervsstyrelse ikiorsiinermut atatillugu nalunaarsuutinik suliarinnittuuvoq.

RA-t tassaapput nalunaarsuisarfiit (RA) MitID-mik aaqqiissummi nalunaarsuutinik suliarinnittartut allat.

MitID Brokerit aamma tassaapput pisuni aalajangersimasuni nalunaarsuutinik suliarinnittartut allat.

Digitalimik Sullissinermut Aqutsisoqarfiup paasissutissat, tassa ajutoorfiusinnaasunut nalunaarsuutit aamma uppernarsaanermi akissutit nuussinerni ataasiakkaani katersorneqartut, pisortanut imaluunniit suliffeqarfinnut MitID Brokeriusunut ingerlateqqittarpai, isumannaassutsimik naleqquttumik atuuttuussutsimik misissuinermi qulakkeerinninnermilu
atugassat.

Digitalimik Sullissinermut Aqutsisoqarfiup paasissutissat ilinnut tunngasut, Digitalimik Sullissinermut Aqutsisoqarfiup nalunaarsuutinik suliarinnittarfiinut, MitID-mik aaqqiissummut tunngatillugu ingerlatsisartunut IT-systeminillu aqutsisartunut ingerlateqqittarpai.

Digitalimik Sullissinermut Aqutsisoqarfiup IP-adressit, nittartakkani iserfigisimasani URL piffissalikkat (med en IP-adresse atasoq ilanngullugu), IP-adresse aallaavigalugu sumiissuseq Browseri sorleq/-motoria aamma operativsystemi sorleq/-motoria, Akamai Danmarkimut (Akamai Technologies Denmark ApS, CVR 36 02 66 50) ingerlateqqittarpai, Akamaisip MitID-mut isertunut tunngatillugu isumannaallisaanermullu misissueqqissaarnissaannut atugassatut, aaqqiissummik pitsanngorsaajuaannarnissaq MitID-mullu ajoqusersuinianullu illersuinissaq, ajornartorsiitinillu aaqqiinissaq/-ikiorsiinissaq anguniarlugu. Tamanna Akamaip eqqortumik sullissinissaa qulakkeerlugu pinerusarpoq.

6. Nunani allani tunniussiffiit, taassuma ataani nunani tamalaani suliffeqaarfiit

Aallartiffittut paasissutissat ilinnut tunngasut tunniussivinnut EU-p EØS-illu avataaniittunut ingerlateqqinneq ajorpagut.

Kalaallilli Nunaanni Savalimmiunilu MitID-qaruit malugiuk: Kalaallit Nunaannut Savalimmiunullu
paasissutissanik inunnut tunngasunik nuussuinermi, nalunaarsuutinut illaersuinermi isumaqatigiissummut aalajangiussat nalinginnaasut tunngaviusarput, tak. databeskyttelsesforordningens art. 46, imm. 2, litra c).

7. Paasissutissat ilinnut tunngasut sumit aaneqartarnersut

Innuttaasunut Sullissivik imaluunniit aningaaserivik MitID-mik pilersitsiffiginissaanut qinnuteqarfiit, paasissutissanik ilinnut tunngasunik ilinniit toqqaannartumik katersisarput.

MitID-mik pilersitsinnginnermi imaluunniit pilersitsinermut atatillugu kinaassutsimik uppernarsaammik tigussaasumik internetikkut allatsitsininni, paasissutissat ilinnut tunngasut ilinniit toqqaannartumik katersorneqartarput. Illit paasissutissaatitit ilinnit toqqaannartumik katersorneqartarput, MitID appimik atuininni kinaassutsinnik qulakkeerinninneq naammassiniarlugu.

MitID-mik atuininni aqutsinermi, nalunaarsuutit tunngaviusut ingerlaavartumik nutarterneqartarput, CPR pillugu paasissutissaatinnut naapertuussarnerini imaluunniit illit nammineq paasissutissanik nammineq toqqarsinnaasanik, soorlu najukkamik qinigassamik allamik, mobilnormumik mailadressemillu allannguininni.

Paasissutissat inunnut tunngasut suliarinerini paasissutissat pisortani qitiusuneersut, soorlu passimut/ingerlatitsisinnaanermut allagartamut nalunaarsuisarfimmiit, CPR-imut nalunaarsuisarfimmiit aamma Danmarkimi najukkanut nalunaarsuisarfimmiit aaneqassapput.

8. Paasissutissat ilinnut tunngasut toqqortaatigineqarneri

Digitalimik Sullissinermut Aqutsisoqarfiup paasissutissat ilinnut tunngasut toqqortaatigisarpai suliarisarlugillu. Tamanna pisarpoq digitalikkut kiffartuussisuni MitID-mik tunniussinermi, aqutsinermi atuinermilu pisariaqaraangat.

MitID appi aqqutigalugu kinaassutsimik qulakkeerinninnermi, paasissutissat inunnut tunngasut, kiinnap ilumoortuussusaanik nalunaarsuinermeersut aamma 3D atorlugu kiinnamik ilisarsissummeersut, kiisalu paasissutissat passimi quppernermi assitalimmeersut (imal. kinaassutsimik uppernarsaammi allami, ICAO-imut atassuserneqarsinnaasumeersut), Danmarkimi tunniussaanngitsumeersut, annerpaamik ulloq ataaseq paasiuminaallisarneqarsimallutik toqqortaatigineqartarput, kingornalu peerneqartarlutik. Paasissutissat inunnut tunngasut passimi quppernermi assitalimmeersut, Danmarkimi tunniunneqarsimasumeersut, sessionip ingerlanerani, annerpaamillu akunnermi ataatsimi utaqqiisaarummik aasiuminaallisarneqarsimallutik toqqorsivimmiitinneqartarput, kingornalu peerneqartarlutik.

9. MitID pillugu ikiorsiinermi paasissutissat inunnut tunngasut suliarineqartut

Digitalimik Sullissinermut Aqutsisoqarfiup paasissutissat inunnut tunngasut, MitID-mik ikiorsiivimmut attaveqarnermi isumagineqartut akisussaaffigai. MitID-mi Ikiorsiiviup atuisut MitID-mik aaqqiissummik atuinerini, paasissutissanillu nassaarniarnerini ikiortarpai. MitID-mi Ikiorsiivimmiit oqarasuaatikkut, e-mailikkut skærmimillu takutitsinikkut toqqaannartumillu allaqatigiinnermi ikiorneqarsinnaavutit. Saniatigut aamma MitID-mi Ikiorsiivimmut attaveqarnermi atuisut naammagisimaarinninnerinut misissuinermut peqataanissannut periarfissaqassaatit. Tamanna akuerigukku oqarasuaatikkut oqaloqatigiinneq, MitID-mi Ikiorsiivimmi oqarasuaatikkut attaveqaqatigiinnerni illuaqqajaanernut tunngatillugu misissuinermut, kinaassutsimillu takutitsinngitsumut ilanngunneqassaaq.

MitID-mi Ikiorsiivik attavigigaangakku Digitalimik Sullissinermut Aqutsisoqarfiup paasissutissanik inunnut tunngasunik suliarinnittarneranut siunertaavoq: MitID-mik atuinermi kiffartuussisinnaanissaq, ikiorsiiviullu sullineranik pitsanngorsaanissaq.

Paasissutissanik ilinnut tunngasunik suliarinnittarnitsinnut inatsisitigut tunngaaviup siunertaa:

• Oqarasuaatikkut, e-mailikkut imaluunniit toqqaannartumik allaqatigiinnikkut attaveqarnermi paasissutissat ilinnut tunngasut isumagisarneranut inatsisitigut tunngavimmi, nalunaarsuutinik illersuinissamut peqqussut, art. 6, imm. 1 litra e, oqartussani isumaginnittarnermut tunngasoq malinneqarpoq.
• Atuisut naammagisimaarinninnerinik misissuinerni, taassumalu ataani oqarasuaatikkut oqaloqatigiinnerni illuaqqaanernut tunngatillugu misissuinerni, skærmimik takutitsinermi aamma/imaluunniit oqarasuaatikkut oqaloqatiginninnernik immiussinermi, paasissutissat ilinnut tunngasut isumagisarneranut inatsisitigut tunngavimmi, nalunaarsuutinik illersuinissamut peqqussut, art. 6, imm. 1 litra e, akuersissaanermut tunngasoq malinneqarpoq.
• Ikiorsiiviup oqarasuaataani CPR-normunnik toortaaninni, paasissutissat ilinnut tunngasut isumagisarnerinut inatsisitigut tunngavimmi, nalunaarsuutinik illersuinissamut peqqussut § 11, imm. 1, CPR-normunik isumaginninnermut tunngasoq malinneqarpoq.

Ikiorsiivimmi sulisoq skærmikkut takutitsinermi paasissutissat ilinnut tunngasut, quppernermi illit ikiorneqarfissanni nuisasut takusinnaassavai.

Skærmimik takutitsinermut aamma/imaluunniit atuisut naammagisimaarinninnerinut misissuinermut tunngatillugu akuersinerit qaqugukkulluunniit atuukkunnaarsissinnaavat. Akuersinerit atuukkunnaarsikkukku, siornatigut akuersisimanerit tunuliaqutigalugu, atuukkunnaarsitsinissappillu tungaanut paasissutissanik ilinnut tunngasunik suliarinninnitta, inatsisinut taapertuussusaanut sunniuteqassanngilaq. Akuersinernik atuukkunaarsitsininniit piffissamiit aatsaat tamanna atuutilissaaq.

E-mailit MitID-mi Ikiorsiivimmut kukkusumik nassiunneqarsimasut, oqartussanut/suliaqartunut eqqortunut sapinngisamik ingerlateqqinniartarpagut.

MitID-mit ikiorserneqarnermut tunngatillugu paasissutissat ilinnut tunngasut toqqortaatigineqarneri

• Akuersinermi oqarasuaatikkut oqaloqatiginninneq immiunneqartarpoq, ullunilu 30-ni toqqortaatigineqartarluni, kingornalu peerneqarluni. Oqaloqatiginninneq immiunneqartarpoq ilinniartitsinissaq pitsaassutsinillu qulakkeerinninnissaq anguniarlugu.
• Atuisut naammagisimaarinninnerinik misissuinermut peqataanissamut akuersinermi, oqarasuaatip normua ullut 90-t qaangiuppata, oqaaseqaatillu ullut 180-t qaangiuppata peerneqassapput. Atuisut naammagisimaarinninnerinik misissuineq, oqarasuaatikkut attaveqarsimanerit tunuliaqutigalugu nassiunneqartarpoq.
• Ikiorsiiviup oqarasuaataani CPR-normuppit toortarnissaa toqqarsimagukkut, oqaloqatiginninnerlu aallartippat CPR-normut ikiorsiivimmut takutinneqartarpoq. CPR-normut toqqorneqassanngilaq, oqaloqatiginninnerlu naammassippat ikiorsiivimmi sulisup skærmianiit
  piissalluni.
• Nalunaarsuutinik suliarinnittartup oqarasuaateqarnermi systemiani nalunaarsuutit oqaloqateqarsimanermut tunngasut, ullut 90-t qaangiukkaangata peerneqartarput (nalunaarsuutiniipput oqarasuaatip normua, ulloq piffissarlu, oqaloqatiginninnerup sivisussusaa, tulleriiaartunik toqqaasimaneq, immaqalu sianeqqissimaneq, utaqqisimaneq ikiorsiisullu aqqa).
• Nalunaarsuutit kinaassutsimik takutitsisinnaajunnaarsillugit ukiuni tallimani toqqortaatigineqartarput, kisitsisit atorlugit nassuiaasiornermut atugassatut.
• Skærmimik takutitsinissamut atortumi akuersilluni skærmimik takutitsinermi, videosessionit ulluni 90-ni toqqortaatigineqartarput, kingornalu namminneq peertarlutik. Sessioninit immiussat ilinniartitsinissamut pitsaassutsinillu qulakkeerinninnissamut atorneqartarput.
• Allagaqarluni attaveqaatit tamarmik qaammatini arfinilinni toqqortaatigineqartarput, kinguneratigullu peerneqartarlutik.
• Allannikkut attaveqarsimanermi atuisut naammagisimaarinninnerinik misissuinermut peqataanissamut akuersisimanermi, e-maili ullut 90-t qaangiuppata, atuisullu naammagisimaarinninnerinik misissuinermut oqaaseqaatit ullut 180-t qaangiuppata peerneqassapput. Atuisut naammagisimaarinninnerinik misissuineq, allagaqarlutit attaveqarsimanerit tunuliaqutigalugu nassiunneqartarpoq.
• Allagaqarluni attaveqaatit tamarmik (toqqaannartumik allaqatigiinnerit ilanngullugit), MitID-mi Ikiorsiiviup oqartussanut allanut ingerlateqqitai, journalimut allanneqartarput toqqorneqarlutillu. Naammagittaalliuutit aamma journalimut allanneqartarput toqqorneqarlutillu.
• Toqqaannartumik allaqatigiinnermut systemimi nalunaarsuutit, qaammatit arfinillit qaangiukkaangata peerneqartarput (nalunaarsuutinut ilaapput innuttaasup ikiorsiivimmilu sulisup allaqatigiinnerat, kiisalu ateq atuisup allaffissami toortarsimasaa).
• Nalunaarsuutinik suliaqartartup, atuisumik oqarasuaatikut oqaloqateqarnerni illuaqqajaanernik misissuinermut, nalunaarsuutinik suliaqartartoq alla atortarpaa. Tamanna ikiorsiiviup sullissineranik pitsanngorsaanissamik siunertaqarpoq. Nalunaarsuutinik suliarinnittartumut oqaloqatigiinnerit nuussorneqartarput, ingerlaannarlu oqaatsiniit allatanngortinneqartarlutik, kinaassutsinik takutitsinatik. Allataq kinaassutsinik takutitsinngitsoq illuaqqajaanernut tunngatillugu misissoqqissaarneqartarpoq. Nalunaarsuutinik suliaqartartup oqaloqatigiinnernit immiussat ulluni 30-ni toqqortaatigisarpai, kingornalu peertarlugit.

10. Pisinnaatitaaffitit

Nalunaarsuutinik illersuinissamut peqqussut malillugu paasissutissanik ilinnut tunngasunik suliarinnittarnerput pillugu pisinnaatitaaffeqarputit arlalinnik.

Pisinnaatitaaffitit atorniarukkit saaffigissavatsigut.

Paasissutissat takunissaannut pisinnaatitaaffik (paasinninnissamut pisinnaatitaaffik)

Paasissutissanik ilinnut tunngasunik suliaqariaasitsinnik, kiisalu paasissutissanik aalajangersimasuni allanik paasisaqarnissat pisinnaatitaaffigaat.

Paasisaqarnissamut qinnuteqarniarlutit Digitalimik Sullissinermut Aqutsisoqarfik ima attavigisinnaavat:

• Digitalimik Sullissinermut Aqutsisoqarfimmut digitalikkut allakkamik nassitsinikkut (Digital Post)
• 
  Digitalimik Sullissinermut Aqutsisoqarfimmut nalinginnaasumik allakkamik nassitsinikkut,
  Landgreven 4, 1301 København, ima qulequtalerlugu ”Indsigt i behandling af MitID
  personoplysninger”

Paasissutissat ilinnut tunngasut, MitID-innut atuuttumut tunngatillugu Digitalimik Sullissinermut Aqutsisoqarfiup illit pillutit nalunaarsorsimasai qaqugukkulluunniit takusinnaavatit. Imminut sullissivimmi MitID.dk-mi takuneqarsinnaapput. Tassani aamma GDPR-imut nalunaarusiaq aasinnaavat, MitID-milu nalunaarsuutit ilinnut tunngasut paasisaqarfigisinnaallugit.

Naqqiuteqarnissamut pisinnaatitaaffik (naqqiineq)

Paasissutissanik ilinnut tunngasunik eqqunngitsunik naqqiinissannut pisinnaatitaaffeqarputit.

MitID.dk-mi imminut sullissivimmi qaqugukkulluunniit e-mailadresset aamma mobilnormut allanngortissinnaavatit. Tamanna aamma atuuppoq CPR-imi najukkamut taarsiullugu najukkamik allamik tunniussisimaguit. Paasissutissanut allat eqqunngitsunut tunngatillugu, soorlu CPR-imi kukkusumik paasissutissiisoqarsimappat, Innuttaasunut Sullissivik attavigissavat.

Peersinissamut pisinnaatitaaffik

Digitalimik Sullissinermut Aqutsisoqarfiup paasissutissat ilinnut tunngasut toqqortaatigisarpai suliarisarlugillu. Tamanna pisarpoq digitalikkut kiffartuussisuni MitID-mik tunniussinermi, aqutsinermi atuinermilu pisariaqaraangat.

Taamaakkaluartoq qaqugukkulluunniit e-mailadressep, najukkap qinigassap allap aamma/imaluunniit mobilnormup peersinnissaanut qinnuteqartuaannarsinnaavutit. MitID appili atugarigukku ilisimassavat, mobilnormut peersikkukku MitID appi atorsinnaajunnaassagakku.

Suliarinninnissamut killiliinissamut pisinnaatitaaffik

Pisuni aalajangersimasuni paasissutissanik ilinnut tunngasunik suliarinninnissap killilernissaanut pisinnaatitaaffeqarputit. Paasissutissanik ilinnut tunngasunik suliarinninnissamik killiliineq,
MitID-mik atuisinnaannginninnik kinguneqarsinnaavoq.

Paasissutissanik ilinnut tunngasunik suliarinninnissamik killiliinissamut qinnuteqarusukkuit Digitalimik Sullissinermut Aqutsisoqarfik attavigissavat. Attavissat ataani takukkit.

Maalaaruteqarnissamut pisinnaatitaaffik

Pisuni immikkut ittuni, Paasissutissanik ilinnut tunngasunik, Digitalimik Sullissinermut Aqutsisoqarfiup nalunaarsorsimasaanik suliarinninnermut tunngatillugu maalaaruteqarnissannut pisinnaatitaaffeqarputit.

• Digitalimik Sullissinermut Aqutsisoqarfik ima attavigineqarsinnaavoq:
• Digitalimik Sullissinermut Aqutsisoqarfimmut digitalikkut allakkamik nassitsinikkut (Digital Post)
  Digitalimik Sullissinermut Aqutsisoqarfimmut nalinginnaasumik allakkamik nassitsinikkut,
  Landgreven 4, 1301 København, ima qulequtalerlugu ”Klage over behandling af MitID
  personoplysninger”

Paasissutissanik nuussuinissamut pisinnaatitaaffik (nalunaarsuutinik nuussineq)

MitID-mik atuinermi pisinnaatitaaffik tamanna atuutinngilaq, nalunaarsuutinillu akisussaasoq inatsisit malillugit peqqussutit malillugit pisortani suliaqarnermi tamanna pisarmat.

Akuersissummik atuukkunnaartitsinissamut pisinnaatitaaffik

Akuersissummik atuukkunnaartitsinissamut pisinnaatitaaffik, ikiorneqarsimanermut attuumassuteqarpoq. Ikiorsiivimmut saaffiginnikkuit ilaatigut atuisut naammagisimaarinninnerinut misissuinernut, skærmimik avitseqatigiinnermut aammalu oqarasuaatikkut oqaloqatiginninnernut misissuinernut tunngatillugu, paasissutissat ilinnut tunngasut suliarineqarnissaannut akuerseqqaaqquneqassaatit. Akuersinerit atuukkunnaarsikkukku, siornatigut akuersisimanerit tunuliaqutigalugu, atuukkunnaarsitsinissappillu tungaanut paasissutissanik ilinnut tunngasunik suliarinninnitta, inatsisinut naapertuussusaannut sunniuteqassanngilaq. Akuersinernik atuukkunaarsitsininniit piffissamiit aatsaat tamanna atuutilissaaq.

Saniatigut aamma eqqumaffigissavat pisinnaatitaaffinni ilaatigut atuutinngittoqarsinnaammat, taamaattumillu pisinnaatitaaffiit ilaat atorsinnaassannginnakkit. Tamanna pissuteqarpoq uagut pisortani oqartussaasutut amerlasuutigut oqartussaassuseqarnitta atuutsinneqarneranut atatillugu inuit paasissutissataat suliarisaratsigit.

11. Datatilsynetmut maalaaruteqarneq

Paasissutissat ilinnut tunngasut pillugit suliaqarnitsinnut tunngatillugu iluaagisaqaruit. Datatilsynetmut maalaaruteqarnissannut pisinnaatitaaffeqarputit. Datatilsynet attavigisinnaavat ugguuna www.datatilsynet.dk.

Digitalimik Sullissinermut Aqutsisoqarfiup aamma attaviginissaanut tikilluaqqusaavutit.