Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
dansk English kalaallisut
The page is not available in the selected language
Unfortunately, the page is not available in the selected language. The page is available in the languages listed below.
dansk English kalaallisut
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.
dansk English kalaallisut

MitID Support

MitID pillugu ikiorneqartariaqarpit? Uani ikiuisinnaasut nassaarikkit.

MitID Support +45 33 98 00 10 attavigiuk

  • Ataasinngornermiit tallimanngornermut nal. 5.00. -17.00 (Nunatsinni nalunaaqutaq)
  • Sapaatip akunnerata naanerani nalliuttunilu kiisalu Inatsisitaarfimmi nal. 7.00 - 13.00 (Nunatsinni nalunaaqutaq)
  • Ulloq 24 aamma 31. december nal. 7.00 - 11.00 (Nunatsinni nalunaaqutaq)

Peqquserluttut sianigikkit!

Maannakkorpiaq peqquserluttuliortoqarnera takusinnaavarput, ilinnut sianertoqarpoq MitID Supportimeertuusaarluni. Qinnuigineqarnerit isiginngitsuusaassavat, kodetit tunniutinngisaannassavatit aamma MitID appimi arlaannik aallartitsisimanngikkuit swiperinngisaannarit. MitID Support sianinngisaannartussaavoq.

Hjælpeuniversimi

MitID hjælpeuniversimi akissutissarsigit imaluunniit apeqqutigineqarnerpaasartut uani akissutissarsikkit:

Atuisutut ID puigorpara

MitiD appimut PIN-kode puigorpara
Oqarasuaat nutaaq
Appi atuutilerseqqiguk
Appimut kodimik atuutilersitsissummik pissarsiariuk
MitID-mik qanoq atuinissannut tunngatillugu ikiortigit siunnersorneqarlutillu

Kode isissut puigorpara

Ass. MitID Supportimit imaluunniit aningaaserivimmi kiffartuussivimmit Innuttaasunik Sullissivimmukaqqusaasimaguit siullertut iliuuserisassaqarputit:

  • Kommunimi Innuttaasunik Sullissivik orninniakkat nassaariuk
  • Ornigutinnginninni piffissamik inniminneeqqaartariaqarnersutit misissoruk
  • Kinaassutsimik uppernarsaat atuuttoq eqqaamassavat
  • Illiunerit qulakkeerniarlugu Innuttaasunik Sullissivimmi illit pillutit apeqqutit assigiinngitsut akissavatit (CPR-imik nalunaarsorsimaffimmi paassissutissat ilinnut tunngasut tunngavigineqassapput). Aamma MitID-qareersumik ilinnik uppernarsaasinnaasumik ilagisaqarsinnaavutit.

Innuttaasunik Sullissivik qaninnerpaaq nassaariuk

Kinaassutsimik uppernarsaat atuuttoq takuuk ilinnillu uppernarsaasussaq pillugu paasisaqarnerugit

MitiD Erhverv

Pas-ip scannernissaanut ajornartorsiuteqarsimaguit ikiorneqarniarlutillu Innuttaasunik Sullissivimmukarusullutit, taava uppernarsaatit pisariallit Innuttaasunik Sullissivimmukarninni nassarnissaat eqqumaffigeqqissaassavat. Ass. imminut kiffartuussiviit amerlanerusut iserfigisinnaanissaat anguniarlugu MitID-taarniaruit imaluunniit MitID erhverv atussagukku qallunaatut inuup normuanik normulimmik uppernarsaateqarnissaq.

Qallunaat suliffeqarfiat sinnerlugu digitalikkut iliuuseqarniarlutit MitID erhverv atorusukkukku www.mitid-erhverv.dk-mi paasisaqarnerusinnaavutit.

MitID Support paasissutissanik ilinnut tunngasunik aaqqiissatillugu

Ilaannikkut MitID Supportimi paasissutissat ilinnut tunngasut MitID.dk-miittut iluarsisariaqartarsinnaavai. Inuup ikiorniakkatta taannaanera qulakkeerniarlugu kinaassutsit upparnarsarsinnaasariaqarpat.

Ass. kiffartuussivimmut sianeruit pas biilernermiluunniit allagartaq atorlugu paasititsinikkut tamatumalu kingorna apeqqutit assigiinngitsut akissutiginerisigut taamaaliorsinnaavutit.

Supportbillet

Aamma supportbilletimik pilersitsinikkut kinaassutsinnik uppernarsaasinnaavutit. Supportbilleti arfinilinnik kisitsiseqarpoq, akunnerni pingasuni atuuttarpoq inuttullu MitID-nnut attuumassuteqarluni. MitID Supportimut sianeruit supportbilletip ilisimatitsissutigineratigut kingornalu apeqqutit assigiinngitsut akinerisigut kinaassutsit uppernarsarsinnaavat.

MitID.dk-mut iserlutit imaluunniit ‘MitiD appimi menumi ‘Supportbillet’ toorlugu supportbilletinnassinnaavutit.

MitID.dk-mi supportbilletimik pilersitsigit