Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
dansk English kalaallisut
The page is not available in the selected language
Unfortunately, the page is not available in the selected language. The page is available in the languages listed below.
dansk English kalaallisut
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.
dansk English kalaallisut

MitID Quppernerit

MitID-p paasissutissatit pisariitsumik paasiuminartumillu quppernermi ataatsimi katersussavai.

MitID.dk-mut iseruit paasissutissatit tamarmik pisariitsumik paasiuminartumillu quppernermi ataatsimi takusinnaavatit. Aamma paasissutissanik aaqqitassaqarpat allanngortitsisinnaavutit ass. e-mailit oqarasuaatinnulluunniit normut.

MitID Quppernerit maannakkuugallartoq danskisut tuluttullu taamaallaat atorneqarsinnaavoq.

Immikkoortumi ‘Attaveqaatinut paasissutissat nalunaarutillu’ ('Kontaktoplysninger og notifikationer') qanoq attavigisinnaaneritsigit takusinnaavat. Immikkoortoq ukuninnga paasissutissanik imaqarpoq:

  • Navn 
    Atit
  • CPR-nummer
    Inuup normut
  • Adresse
    Inunnik nalunaarsuisarfimmi najukkat
  • E-mail
    E-maili MitID-p nalunaarutinik nassiussiffigisinnaasaa. Allaffissaq imaqanngippat taava e-mailadresset nalunaarsorsimanngilat.
  • Mobilnummer
    Oqarasuaat angallattagaq MitID-p nalunaarutinik nassiussiffigisinnaasaa. Allaffissaq imaqanngippat taava oqarasuaat angallattakkavit normua nalunaarsorsimanngilat.
  • Notifikationer
    Qanoq attavigisinnaaneritsigit aalajangiininnut allattorsimaffik.
  • Sprog
    Oqaaseq suna atorlugu attavigineqarusunnersutit. Danskisut tuluttulluunnit toqqarsinnaavat.
  • Privatindstilling
    Uani ‘Seneste aktiviteter’-mi kiffartuussisuvit atii nuisassanersut toqqoqqassanersulluunniit takusinnaavat.
  • ID
    ID-t assigineqanngitsoq.

Paasissutissatit imaluunniit qanoq attavigisinnaaneritsigit allanngortikkusukkukku 'SE OG REDIGÉR' toorsinnaavat.

Tjenesteudbyder nuisissanerlugu/ toqqorsimatissanerlugu ima allanngortissavat:

  1. MitID.dk-mut iserit
  2. Immikkoortumi ‘Kontaktoplysninger og notifikationer’-imi ‘SE OG REDIGÉR’ tuussavat.
  3. ‘PRIVATINDSTILLING’-imut ammukarteriarlugu tjenesteudbyer nuisatikkusunnerlugu toqqorsimatikkusunnerluguluunniit toqqassavat.
  4. ‘GEM ÆNDRINGER’ tooruk
  5. ‘ANMOD OM ADGANG’ tooruk
  6. Matuma kingorna akunnerit 24-t utaqqissaatit kingornalu immikkoortut 1-4 peqqissavat

GDPR-nalunaarusiaq uani inniminnersinnaavat, tassani illit pillutit paasissutissat katersornikuuagut. Tuugassaq 'BESTIL RAPPORT' nalunaarusiat piumallugu tooruk.

Immikkoortumi ‘Atuisutut ID’ MitID-nni atuisutut-ID-t takutippaa. MitID atuisutut ID-t allanngortikkusukkukku tuugassaq 'REDIGÉR BRUGER-ID' toorsinnaavat.

Kode isissutit allanngortikkusukkukku uani taamaaliorsinnaavutit. Tuugassaq 'REDIGÉR ADGANGSKODE' tooruk.

Uani kinassutsinnik uppernarsaanermut atortut tamaasa takusinnaavatit, ass. MitID appi, MitID kodenik atuaasartoq imaluunniit MitID kodenik nuisitsivik. Aamma kinaassutsimik uppernarsaanermut atortut matullugillu ammaqqissinnaavatit.

MitID-vit atornernerlunneqarneranut pasitsaassaqaruit ataavartumik matusinnaavat.

MitID-vit atornerani pisut kingulliit uani katersorsimapput. Sumut isersimanerlutit sumillu MitID atorlugu akuersisimanerlutit ajornanngitsumik sukkasuumillu takusinnaavatit. Tuugassaq 'SE AL AKTIVITET' toorukku MitID-vit atornerani pisut tamaasa allattorsimasut takusinnaavatit, pisullu aalajangersimasut qinerlersinnaassavatit.

Maluginiaruk immikkooruni Kiffartuussusisut Attaveqaatinut paasissutissat nalunaarutillu nuisanissaa toqqarsimagukku aatsaat imersoqqassammat.

Isumannaallisaaneq peqqutigalugu maannakkorpiaq MitID Qupperneritinni paasissutissat allanngortissinnaanngilatit. Qinnutigeqqaassavat.

MitID Qupperneritivit allanngortinnissaanut qinnuteqarninniit nalunaaquttap akunneri 24-t qaangiusimalerpata aatsaat allanngortissinnaanngussavatit. Paasissutissat allanngortissinnaanngorukkit nalunaarummik allagarsissaatit.

Nalunaarummik allagarsereerninniit 24 tiimit qaangiusimalerpata ilaatigut paasissutissat uku allanngortissinnaanngussavatit: Atuisutut-ID, oqarasuaativit normua, e-mailit, nalunaarutit kodelu isissut. Aamma kinaanermut uppernarsaatit atortut ilanngussinnaavatit.

Imak iliussaatit:

  1. MitID.dk-kkut MitID-t iserfigiuk, sunalu atorniarnerlugu toqqarlugu (ass. e-mailadresse ilanngullugu). Suna atorniarnerlugu toqqarukku MitID Qupperneritinni paasissutissanik allannguisinnaanngornissat qinnutigissavat. ‘Anmod’ toqqaruk taava nammineq anisinneqassaatit. Maanna nalunaaquttap akunneri 24-t qaangiunnissat utaqqissavat.
  2. Nalunaaquttap akunneri 24-t qaangiutsinnagit iseriaraluaruit allagarsiaq 'Adgang til ændring af følsomme oplysninger er ikke klar' nuissaaq, qanorlu sivisutigisumik utaqqissanersutit nuissalluni.
  3. Nalunaaquttap akunneri 24-t qaangiusimalerunik nalunaarummik allagarsissaatit, nalunaaquttap akunneri 24-t ingerlanerani Qupperneritinni paasissutissatit allanngortissinnaagitit paasitinneqarlutit. MitID Qupperneritinnut iseqqigit, maannalu MitID Qupperneritinni paasissutissat allanngortissinnaanngorpatit.
  4. Ass. attaveqaatinni paasissutissat 'Rediger e-mail' imaluunniit 'Rediger mobilnummer' toqqarneratigut allanngortissinnaavatit. Paasissutissat allanngortinniarukkit toqqorlugillu skærmimi ilitsersuut maliguk.
  5. Kinaassutsimut uppernarsaanermut atortuit ataani (ass. MitID appi imaluunniit MitID kodenik nuisitsivik) MitID Qupperneritinni kinaassutsimut uppernarsaanermut atortunik ilanngussisinnaavutit. Tuugassaq 'Tilføj identifikationsmiddel' toqqaruk skærmimilu ilitsersuut malillugu.