Siden er ikke tilgængelig på dit ønskede sprog. De tilgængelige sprog er nævnt nedenstående.
MitID tassaavoq elektroniskimik kinaassutsimut uppernarsaat, toqqissisimasumik isumannaatsumillu nittartakkami isersimanissannut isumannaallisaaqataasoq. MitID kinaassutsinnut uppernarsaanermut atugassaavoq, ass. netbankinni aningaasanik nuussiniaruit, digitsalikkut allagarsiatit atuarniarukkit imaluunniit imminut kiffartuunnermi iluarsuussutinut assigiingitsunut atugassiaavoq.
MitID nunat assigiinngitsut akornannut isumannaallisaanermut piumasaqaatit nutaat malippaat, piffissallu ingerlanerani nutartertuaannarsinnaallutik.
MitID appikkut atugassaavoq, kodenik nuisitsiviuvoq, kodenik atuaasarpoq chippiullunilu.
MitID-mik pissarsiumallutit pas-it aamma MitiD appit atorsinnaavatit. MitiD appi pas-imi chippinik atuaasinnaavoq, taamaalilluni kinaanerit uppernarsarsinnaavaa. Innuttaasunik sullissivimmukarnissaq periarfissaasinnaavoq.
Innuttaasunik sullissivimmi MitID-mik pissarsigit. Innuttaasunik Sullissivimmut ornigutinnginninni piffissamik inniminneeqqaarnissat kinaassutsimillu uppernarsaammik atuuttumik nassarnissat eqqaamassavat.
MitID smartphonemut tabletimullu siullertut app-iuvoq. Assammik ingerlatitsinermi nittartakkami iliuuseqarnermi iserlutillu akuersisinnaavutit. MitID kodenik nuisitsinermi, kodenik atuaatitsinermi chippitullu aamma atorsinnaavoq.
Amerlanerit MitID appi iluarinerussavaat. MitID appi oqarasuaatini nutaanerni amerlanersaani atorsinnaavoq. MitID oqarasuaatinni atorsinnaanerlugu nalorniguit, teknikkikkut piumasaqaatit pillugit uani atuarlutit paasisaqaernerusinnaavutit.
Appi atornissaanut periarfissaqanngikkuit MitID kodenik atuaasartoq tulluassaaq, MitID kodenik atuaasartorlu isigiarsuttunut tulluarsagaalluni. Ass. sulininnut atatillugu MitID-t ullup ingerlanerani atoqattaartarukku MitID chippi saniatigut pisiarisinnaavat.
MitID appit marluk pigalugit torrassaaq, imaluunniit MitID app kodenillu atuaasartoq pigalugit, taamaalillutit ass. oqaraasuaatit katassagaluarukku, kodenik atuaasartoq annaassagaluarukku imaluunniit appi peertuussagaluarukku.
MitID-mik sillimmateqarneq pillugu uani atuarlutit paasisaqarnerugit
MitID matutinnera pillugu atuarlutit paasisaqarnerugit
MitID appi akeqanngilaq, MitID kodenik nuisitsiviit, kodenik atuaasartut siulliit pingasut aamma akeqanngillat. Sarfai ukiut qulit missaani atasinnaapput (nalinginnaasumik atuinermi) taamaammat kodenik nuisitsivik imaluunniit kodenik atuaasartoq arlaleriaq annaagukkit aatsaat akeqalissaaq.
Ullormut arlaleriarlutit, ass. sulininnut atatillugu MitID-mut isertarnissat akuersisarnissalluunniit pisariaqartikkukku taava MitID chip ilinnoorpoq.
MitID-qarnissaq piumasaqaataanngilaq. Digitalikkut imminut sullissinnaanngikkuit MitID-qarnak qanoq ilillutit atuisuusinnaanerlutit peqatigiiffiit sulifffeqarfiilluunniit ataasiakkaarlugit attavigalugit paasiniaaffigissavatit.
Passit MitID appilu atorlugit MitID-taarsinnaavutit, passeqaruit, kinaassutsimut uppernarsaat chippilik, oqarasuaallu passi/kinaassutsumik uppernarsaammik skannerisinnaasumik peqaruit. MitiD appi passinni imaluunniit kinaassutsinnik uppernarsaatinni atuaasinnaavoq, taamaalilluni kinaanerit uppernarsarsinnaallugu.
MitID nunani allani oqarasuaatit normut atuutsippai
Aamma tulliani Danmarkiliaruit innuttaasunut sullissivimmi kinaassutinnut uppernarsaammik nassarnermi MitID-taarsinnaavutit.
Taassuma saniatigut inuup normu pillugit paasissutissat tunngavigalugit nakkutiginninnermi apeqqutinik akissuteqaqquneqassaatit, imaluunniit atsiorluni kinaaninnik uppernarsaasinnaasumik ilagisaqarlutit ornigullutit. Atsiorluni kinaaninnut uppernarsaasinnaasumik ilagisaqarnissat innersuutigaarput, inuup normuinut allattorsimaffimmi illit pillutit paasissutissat allaqqasut naammanngissinnaanerat peqqutigalugu. Atsiornermi kinaaninnut uppernarsaasoq MitID-qassaaq atuuttumik, minnerpaamillu ullut 30-t pisoqaatigissalluni. Eqqaamallugu innuttaasunut sullissivimmut piffissamik inniminniinissaq.
Amerlanertigut MitID-taarnissat periarfissaavoq danskisuunngitsumik, kalaallisuunngitsumik savalimmiormiuunngitsumillu passi imaluunnii kinaanermut uppernarsaateqaraluarlutit.
Danskisut inuup normoqaruit nunamilu allamiutut passeqarlutit, ataani allaaserineqartoq “Nunami allami najugaqaruma qanoq MitID-taassaanga” assinganik malittarissavat.
Passit/kinaanermut uppernarsaatit atorlugu MitID-taarniaruit danskisullu inuup normoqanngikkuit P-kodemik pisinnaavutit, taannalu MitID appimut toortassavat.
Imaluunniit Innuttaasunut Sullissivimmut kinaanermik uppernarsaammik atuuttumik nassarlutit ornigutigit. Tassani inuup normu pillugit paasissutissat tunngavigalugit nakkutiginninnermi apeqqutinik akissuteqaqquneqassaatit, imaluunniit kinaaninnut uppernarsaasinnaalluni atsiorsinnaasumik ilagisaqarlutit ornigullutit. Atsiorluni kinaaninnut uppernarsaasinnaasumik ilagisaqarnissat innersuutigaarput, inuup normuinut allattorsimaffimmi illit pillutit paasissutissat allaqqasut naammanngissinnaanerat peqqutigalugu. Atsiornermi kinaaninnut uppernarsaasoq MitID-qassaaq atuuttumik, minnerpaamillu ullut 30-t pisoqaatigissalluni.
13-leereersimaguit MitID-taarsinnaanissat periarfissaavoq. Ilinnut imminut kiffartuunnerni assigiinngitsunik pisariaqartitsisumut neqeroorutaavoq, ass. netbankimut isernermut imaluunniit skattekorti sunngiffimmi sulinermut atatillugu assigisaanilluunniit.