MitID atorlugu akuersissaguit oqarasuaatillu imaluunniit tabletit atorukku tamatumalu peqatigisaanik MitID appeqarpat akuersinissaq maanna ajornannginnerulerpoq. Maanna ‘Åbn MitiD app’ takusinnaalerpat, toorukkulu taassuma MitID appimut nammineerluni ingerlatissavaatit. Matuma kingorna pisarnittut swipessaatit akuersillutillu.
MitID appi atorlugu ima akuersissaatit
- Qupperneq iserfigerusutat iserfigiuk.
- MitID-imi atuisutut-ID toortaruk. Fortsæt tooruk.
- Tuugassaq tungujortoq Åbn MitID app tooruk.
- Maanna MitID appimut ingerlaannaq ingerlateqqinneqassaatit.
- Akuersiniarlutit swiperit. Akueriniakkat iliuusererusutannut naapertuunnersoq tamatigut atuaqqaartassavat.
- Afslut tooriarlugu quppernermut iserfigerusutannut utissaatit. Quppernermut ingerlaannaq utertinneqanngikkuit nammineerlutit utissaatit, assersuutigalugu skærmimi teqeqqumi saamiata tungaani tikkuutip toorneratigut.
Akuersiniarnerit ajornartorsiutigaajuk?
‘Åbn MitID app’ aamma ‘Godkend på anden enhed’ kukkullutit toortoorpigit?
- Skærmimi tuugassaq ‘Åbn MitID app’ nuippat tuunngikkukkulu nammineerlutillu MitID appi ammarukku susoqarnavianngilaq. MitID appimi uteqqullutit tuugassarluni ‘Åbn MitID app’ tooqqullugu nalunaarutisiumaarputit. Matuma kingorna MitID appimut ingerlateqqinneqarumaarputit aamma swipesinnaavutit akuersillutillu.
- Tuugassaq tungujortoq‘Åbn MitID app’ toorniarlugu tuugassaq qaqortoq ‘Godkende på anden enhed’ toortoorsimagukku skærmimi teqeqqumi krydsi toorlugu itigartitsiinnarsinnavutit. Matuma kingorna tuugassaq tungujortoq ‘Åbn MitID app’ tuussavat.
Akuersisinnaanngilatit?
- Appimi browserimi akuersiniarsariguit taamaaliorsinnaannginnerit pillugu nalunaarutisiumaarputit. Tamatumunnga taarsiullugu oqarasuaatinni tabletimiluunniit browseri ‘ assersuutigalugu Safari imaluunniit Google Chrome - ikkunneqarsimasoq atussavat. Appimeersoq linki ammarusukkukku, appimili browserimi ammarukku appimi browserimi inissiissutinut isissaatit (skærmimi qulaani toornerit pingasuukkajuttarput) browrserimilu linkimut ammaaqqullugu.
- Browserimi Inkognitotilstandilimmi MitID appi atorlugu akuersiniarsariguit iliuuseriniakkavit akuerineqarsinnaannginnera pillugu nalunaarutisissaatit. Tamatumunnga taarsiullugu browserimi inkognitotilstandeqanngitsumi imaluunniit assersuutigalugu MitID kodenik nuisitsivik atorlugu akuersisinnaavutit.
Tuugassaq ‘Åbn MitID app’ nuinngila?
- Tuugassaq arlalinni ‘Åbn MitID app’ nuinngippat quppernerup MitID-mik atulersinneqarneranut tunngasumik pissuteqarnissaa ilimanarluinnarpoq. Tamatumunnga taarsiullugu qarasaasiami anginerusumi qarasaasiami tabletimiluunniit isersinnaavutit.
MitID appimi akuerisassanik nuisoqanngila?
- MitID appimi akuerisassanik nuisoqanngippat atuisutut-ID toortaqqillugu misiliguk.
Apeqqutit
Oqarasuaammi MitID atorlugu akuersisimagaanni sooruna aallaqqaammut isersimaffigisamut tamatigut utertoqarneq ajortoq?
MitID-mit aqunneqannginnami, kisianni nioqqutissiortunit, browserinik ineriartortitsisunit, assersuutigalugu Googlemit Applemillu aqunneqarami. Assersuutigalugu Google Chrome atorlugu ingerlaannartumik utertoqartarpoq. Applemi systemini (iOS/iPadOS Safarimilu) nammineerluni utertoqassaaq - taamaaliortoqarsinnaavoq skærmip saamiata tungaani tikkuuteeraq atorlugu.
Kortinik akiliinissami sooruna allaanerusoqartoq?
Internetikkut kortiimik akiliiniarnerit akueriniarlugu MitID appi suli ammartussaavat. Kortimik akiliisitsiviit allatigut isumannaallisarneqareersimanerat matumani pissutaavoq. MitID appimi qanoq iliornissannut tunngatillugu suli ilitsersorneqarumaarputit.