Siden er ikke tilgængelig på det valgte sprog
Siden er ikke tilgængelig på dit ønskede sprog. De tilgængelige sprog er nævnt nedenstående.
dansk English kalaallisut
The page is not available in the selected language
Unfortunately, the page is not available in the selected language. The page is available in the languages listed below.
dansk English kalaallisut
Oqaatsini taakkunani qupperneq iserfigineqarsinnaanngilaq
Oqaatsit atorumanerusatit atorlugit qupperneq iserfigisinnaanngilat. Oqaatsit quppernermi atorneqarsinnaasut ataani allaqqapput.
dansk English kalaallisut

Matusineq

Matusinermi periarfissat peqqutillu assigiinngitsut marluupput. MitID appit, kodenik nuisitsivik, kodenik atuaasartoq imaluunniit chippi annaasimagukku, nutaamilluunniit oqarasuaatitaarsimaguit matusariarpat. MitID atornerlunneqarsimappat tamaat matusariaqarpat.

MitID kinaanermut uppernarsaanermut atortoq matujuk (MitID appi, kodenik nuisitsivik, kodenik atuaasartoq, chippi)

Kinaanermut uppernarsaanermut atortut (MitID appi, kodenik nuisitsivik, kodenik atuaasartoq, chippi) katassunagukku tillitsissimappalluunniit matusariaqarpat.

Tassa isumaqarpoq illit allalluunniit MitID immikkoortoq taanna atorsinnaajunnaassavaat - atornerlunneqarsinnaajunnaassaaq.

MitID appimik nutaamik imaluunniit MitID kinaanermut uppernarsaanermut atortumik aalleruit, MitID-t suli atorsinnaassavat.

MitID kinaanermut uppernarsaanermut atortoq qaqugukkut matusariaqartarpa?

  • Oqarasuaatit tillitsissimappat imaluunniit allatigut annaasimagukku.
  • MitID-mut kodenik nuisitsivik atuaatissaq chippiluunniit annaasimagukku.
  • Nutaamik oqarasuaatitaarsimaguit oqarasuaatikunniittoq appi matusariaqarpat.
MitID kinaanermut uppernarsaanermut atortoq matujuk

MitID-t tamaat utaqqiisaasumik matujuk

MitID-t atornerlunneqarnikuusimappat atornerlunneqarpalluunniit utaqqiisaasumik matusariaqarpat. Namminnerlutit taamaaliorsinnaavutit imaluunniit MitID Support attaviisinnaavat.

Matugukku MitID-mi atuinerit tamaat matussaaq. Tassa isumaqarpoq illit allalluunniit atorsinnaajunnaassavaat - atornerlunneqarsinnaajunnaassaaq - MitID-t.

Qaqugukkit MitID-t tamaat matusariaqarpiuk?

  • Atuisutut ID-t allamit allanngortinneqarsimappat.
  • Nammineq noqqaassutigisimanngisannik akuersisimaguit.
  • Inummut maanna peqquserluttuliortutut pasisannut atuisutut ID kodeluunniit tunniussimagukku.
MitID-t tamaat utaqqiisaasumik matujuk

MitID Supportimit ikiortigit

MitID-vit matunissaanut nalorniguit siunnersorneqarusukkuit ikiorneqarusukkuilluunniit MitID Support attavigisinnaavat.

Pasinarsinnaasunik pisoqarsimanersoq misissoruk

MitID-t matutinnagu matusariaqarneranut peqqutaasinnaasumik pisoqarsimanersoq misissoqqaarsinnaavat.

Ilisaritsissutivit quppernerani ataatungaani sulerisimanerlutit misissoruk.

Atuutilersitseqqiineq

MitID- tamaaviat matusimagukku Innuttaasunut Sullissivimmut ornigullutit atuutilersikkiartussavat.

MitID appit, kodenik nuisitsissut, kodemik atuaasartut chippilluunniit matusimagukku atuutilerseqqissinnaavat nutaamilluunniit pillutit.