Siden er ikke tilgængelig på dit ønskede sprog. De tilgængelige sprog er nævnt nedenstående.
MitID appeqaruit MitID.dk-mut iseriarlutit illit profilinni nutaamik kodemik isissutiliorsinnaavutit. Eqqaamassavat iserninniit akunnerit 24-t qaangiutereerpata paasissutissallu ilinnut tunngasut allanngortinnissaat qinnutigissagukku profilinni paasissutissat ilinnut tunngasut aatsaat allanngortissinnaagakkit.
Innuttaasunik Sullissivimmi kodemik atuutilersitsissummik tunineqassaatit, taanna atorlugu kode isissut nutaaq atuutilersissavat.
Kodemik isissummut nutaamut tunngatillugu Innuttaasunik Sullissivimmit ikiorneqarumallutit atuuttumik kinaassutsimik uppernarsaateqarnissat eqqaamassavat. Innuttaasunik Sullissivimmut ornigutinnginninni piffissamik inniminneeqqaarnissat eqqaamassavat.
Innuttaasunik Sullissivik nunaqarfimmiluunniit allaffik
Kinaassutsimik uppernarsaat atuuttoq
Kode isissut puiorsimagukku imaluunniit kode isissut matugallarneqarsimappat nutaamik sananissannut tunngatillugu MitID Supportimit ikiorneqarsinnaavutit.
Kode isissut nutaaq pillugu MitID Supportimit ikiorneqannginninni oqarasuaatikkut kinaassutsinnik uppernarsaaqqaassaatit. Pas-ivit imaluunniit biilersinnaanermut allagartavit normua paasissutissiissutigissavat (pas biilernermulluunniit allagartaq Danmarkimeersoq imaluunniit nunatsinneersoq atuuttoq), tamatuma kingorna inuup normuinut allattorsimaffimmi illit pillutit paasissutissat allassimasut pillugit apersorneqassaatit.
Matuma kingorna kode atuutilersitsissut ilinnut nassiunneqarumaarpoq, taanna atorlugu kode isissut nutaaq atuutilersissavat.
Apeqqutit naammaginartumik akisinnaanngikkukkit MitID Supportip ikiorsinnaanngilaatit, tamatumunngalu taarsiullugu Innuttaasunik Sullissivimmut ornigutissaatit, tassanilu illit pillutit apeqqutit akissavatit (inuup normuinut allattorsimaffimmi paasissutissat tunngavigalugit) - imaluunniit illit kinaaninnik uppernarsaasinnaasumik inummik ilagisaqassaatit.
Oqarasuaativit normua ulluni kingullerni tallimani aatsaat ikkussimagukku allanngortissimagukkuluunniit supportip kodemik atuutilersitsissummik nassissinnaanngilaatit, taamaammat Innuttaasunut Sullissivimmut ornigullutit qinujartussaatit.
MitID Support +45 33 98 00 10 attavigiuk
Supportimut sianerlutit isissutiliornissannut atugassamik taamaallaat kodemik atuutilersitsissummik pissarsisinnaanerit eqqumaffigissavat. Supportip kodemik ilinnut nassiussisinnaanissaa sioqqullugu Supportimut apeqqutit assigiinngitsut akinerisigut kinaassutsinnik uppernarsaasussaanerit pissutaavoq.
Pitsaasumik isumannaatsumillu, eqqaamajuminartumik aammali allanit eqqoriaruminaattumik kodemik isissuteqarnissat pingaaruteqarpoq. Kodep isissutivit allanut tunniutinngisaannarnissaa eqqaamassavat. Kodet isissutit illit nammineq pigaat, taannalu isumannaatsuuppat aamma illit isumannaatsuussaatit.
Inuit amerlasuut kode isissut arlalinnut atortarpaat. Tamanna ajornartorsiutaavoq, tassami pinerluttup kode isissut nalunngippagu taassuma illit iserfigisartakkannut isersinnaassammat.
MitiD-mi kodet isissutit ikinnerpaamik arfineq pingasunik ilisarnaateqassaaq. Kodemut isissummut eqqoriaruminaatsumut isumannaatsumullu aana siunnersuut:
Kode isissutigisat allanngisaannaruk.
Kode isissutit allanut tunniutinngisaannaruk.
Kodemik atuutilersitsissummik pissarsereersimaguit kode isissut maannakkut atuutilersissinnaavat.
Kode atuutilersitsissut aamma MitID-mut atuisutut-ID toortassavatit.
Kodemik isissummik atuutilersitsineq