Innuttaasunut sullissivimmi MitID-mut ikiorneqarniaruit:
- MitID appimik ikiorneqarniaruit oqarasuaatit nassassavat.
- Uppernarsaammik atuuttumik nassassaatit – ataani paasisaqarnerugit (uppernarsaatit tigussaasut nassassavatit – biilinik ingerlatsinermut uppernarsaat aamma peqqinnissaqarfimmut uppernarsaat appi atorlugu taamaallaat uppernarsaatigineqarsinnaapput).
- Apeqqutinik ilinnut tunngasunik akisaqassaatit ( Inuup normuanik nalunaarsimaffimmi nalunaarsorsimasut aallaavigalugit) – imaluunniit inummik illit kinaassutsinnik uppernarsaasinnaasumik ilagisaqassaatit.
Kinaassutsimik uppernarsaasinnaasoq suua?
Uppernarsaasoq tassaavoq inuk innuttaasunik sullissivimmukarninni ilaasoq, illillu kinaassutsinnik uppernarsaasinnaasoq Inuk uppernarsaasuussaguni 18-leereersimasariaqarpoq minnerpaamillu ullut 30-it sinnerlugit MitID-qareersimasariaqarluni. Uppernarsaasoq kinaassutsimut uppernarsaammik assitalimmik atuuttumik nassassaaq (uppernarsaatit suut atorsinnaanersut ataani takuuk) MitID-nilu. Inuk ataaseq ulluni 120-ni amerlanerpaamik pingasoriarluni uppernarsaasuusinnaavoq.
Aamma ilisimannittumik uppernarsaasoqarsaasinnaasumik ikiorneqarsinnaavutit
Nunami allamiuuit imaluunniit Danmarkip avataani nunaqarpit?
Nunami allamiuuguit Danmarkilluunniit avataani najugaqaruit Innuttaasunut Sullissivimmut uppernarsaasumik ilagisaqarnissat innersuutigaarput, illit pillutit CPR-nalunaarsuutaani paasissutissat amigaateqaeqarsinnaanerat peqqutigalugu.
Pas-ip scannernissaanut ajornartorsiuteqarsimaguit ikiorneqarniarlutillu Innuttaasunik Sullissivimmukarusullutit, taava uppernarsaatit pisariallit Innuttaasunik Sullissivimmukarninni nassarnissaat eqqumaffigeqqissaassavat. Ass. imminut kiffartuussiviit amerlanerusut iserfigisinnaanissaat anguniarlugu MitID-taarniaruit imaluunniit MitID erhverv atussagukku qallunaatut inuup normuanik normulimmik uppernarsaateqarnissaq.
Qallunaat suliffeqarfiat sinnerlugu digitalikkut iliuuseqarniarlutit MitID erhverv atorusukkukku www.mitid-erhverv.dk-mi paasisaqarnerusinnaavutit.
Innuttaasunik Sullissivik qaninnerpaaq nassaariuk piffissamillu inniminniillutit
Innuttaasunik Sullissivimmut piffissamik inniminniigit
MitID-mik aaqqiissummi kinaassutsimik uppernarsaat atuuttoq
MALUGIUK: Kinaassutsimut uppernarsaat tigussaasoq nassarneqassaaq – biilersinnaanermut uppernarsaat peqqinnissaqarfimmullu uppernarsaat taamaallaat digitaliusumik app-kkut atorneqarsinnaapput.
Uppernarsaatit utaqqiisaarutaasut kinaassutsimut uppernarsaatitut atorneqarsinnaanngillat.
Atit allanngortinnikuuiuk? Uppernarsaammi inuup normut atillu allassimasoq massakkut atigisavit assigippagu kinaassutsinnut uppernarsaatit aatsaat atorsinnaavat. Katissimanermut uppernarsaatit, atimut uppernarsaatit, uppernarsaatillu allat atorsinnaanngillat, atigisimasat taakkunani allassimappat.
Uppernarsaatini ataani allassimasuni ataaseq nassaruk:
- Kalaallit Nunaanni immaqaluunniit Danmarkimi biilersinnaanermut allagartaq
- Digitalimik Danmarkimi biilersinnaanermut allagartaq (kørekort-app)
- Passi inuup normuanik allassimasulik, Kalaallit Nunaannit Danmarkimit Savalimmiuniilluunniit tunniunneqarsimasoq
- Najugaqarsinnaanermut uppernarsaat assitalik taavalu inuup normu Danmarkimi Nunat allamiunut aqutsisoqarfimmit imaluunniit Nunanut allanut ministereqarfimmit tunniunneqarsimasoq.
- Kinaassutsimut uppernarsaat Danmarkimi Nunanut allanut ministereqarfimmit tunniunneqarsimasoq
Taakku piginngikkukkit uppernarsaatit ukua atorsinnaavatit:
- Najugaqarsinnaanermut uppernarsaat assitalik, Danmarkimit tunniunneqarsimasoq
- Passi inuup normuanik allassimasoqanngitsoq, Kalaallit Nunaannit Danmarkimit Savalimmiuniilluunniit tunniunneqarsimasoq
- Passi Danmarkimit, Kalaallit Nunaannit Savalimmiuniillu tunniunneqanngitsoq
- Nunagisami kinaassutsimut uppernarsaat, Danmarkimit, Kalaallit Nunaannit Savalimmiuniillu tunniunneqanngitsoq
- Kinaassutsimut uppernarsaat assitalik, Danmarkimi imaluunniit Kalaallit Nunaanni kommuunerisamit tunniunneqarsimasoq
… uppernarsaallu ukunannga ataaseq ilaassaaq:
(Uppernarsaammi inuup normut allassimassaaq)
- Peqqinnissaqarfimmut uppernarsaat, peqqinnissaqarfimmut uppernarsaat immikkut ittoq imaluunniit peqqinnissaqarfimmut uppernarsaat app-i Danmarkimi Kalaallit Nunaanniluunniit tunniunneqarsimasoq.
- Najugaqarnermut uppernarsaat Danmarkimit imaluunniit Kalaallit Nunaannit tunniunneqarsimasoq
- Atimut uppernarsaat Danmarkimit imaluunniit Kalalaallit Nunaannit tunniunneqarsimasoq
- Kuisissimanermut uppernarsaat Danmarkimit imaluunniit Kalalaallit Nunaannit tunniunneqarsimasoq
- Inunngorsimanermut uppernarsaat Danmarkimit imaluunniit Kalalaallit Nunaannit tunniunneqarsimasoq
- Inuup normup Savalimmiuni tunniunneqarsimaneranik uppernarsaat (Savalimmiuni Naalagaaffiup Sinniisuanut taamaallaat atuuppoq)
- Ukiumi kingullermi akileraarfiusumi ukiumoortumik nalunaarusiat imaluunniit ukiumi matumani akileraarfiusumi siumoortumik naatsorsuinerit (ukiumoortumik nalunaarusiaq imaluunniit siusinaartumik naatsorsuusiaq kinnaassutimullu uppernarsaat taperiisillugit oqartussanik tapisiaqarnissamut atorsinnaanngilaq)
- Oqartussanit tapisisimanermut uppernarsaat (annerpaamik qaammatinik pingasunik nutaanngissusilik) (ukiumoortumik nalunaarusiaq imaluunniit siusinaartumik naatsorsuusiaq kinnaassutimullu uppernarsaat taperiisillugit oqartussanik tapisiaqarnissamut atorsinnaanngilaq)
Taamaanngippat uppernarsaatit ataani allassimasut marluk taperiisillugit atorneqarsinnaapput:
(Uppernarsaammi minnerpaamik ataatsimi inuup normut allassimassaaq)
- Atimut uppernarsaat Danmarkimit imaluunniit Kalalaallit Nunaannit tunniunneqarsimasoq
- Kuisissimanermut inunngorsimanermullu uppernarsaat Danmarkimit imaluunniit Kalaallit Nunaannit tunniunneqarsimasoq.
- Peqqinnissaqarfimmut uppernarsaat, peqqinnissaqarfimmut uppernarsaat immikkut ittoq imaluunniit peqqinnissaqarfimmut uppernarsaat app-i Danmarkimi Kalaallit Nunaanniluunniit tunniunneqarsimasoq.
- Najugaqarnermut uppernarsaat Danmarkimit imaluunniit Kalaallit Nunaannit tunniunneqarsimasoq
- Najugaqarsinnaanermut uppernarsaat assitalik, Danmarkimit tunniunneqarsimasoq
- Kinaassutsimut uppernarsaat assitalik, Danmarkimi imaluunniit Kalaallit Nunaanni kommuunerisamit tunniunneqarsimasoq
- Najugaqarnermut uppernarsaat Savalimmiunit tunniunneqarsimasoq
- Inunngorsimanermut kuisissimanermullu uppernarsaat Savalimmiunit tunniunneqarsimasoq
- Inunngorsimanermut atimullu uppernarsaat Savalimmiunit tunniunneqarsimasoq
- Inuup normup Savalimmiuni tunniunneqarsimaneranik uppernarsaat (Savalimmiuni Naalagaaffiup Sinniisuanut taamaallaat atuuppoq)
- Ukiumi kingullermi akileraarfiusumi ukiumoortumik nalunaarusiat imaluunniit ukiumi matumani akileraarfiusumi siumoortumik naatsorsuinerit
- Oqartussanit tapisisimanermut uppernarsaat (annerpaamik qaammatinik pingasunik nutaanngissusilik)