Ilisimasalimmik uppernarsaasussamik ikiortissaguit kinaanerit uppernarsarsinnaasariaqarpaa. Imaassinnaasoq innuttaasutut isumaginninnermut siunnersortimik attaveqateqarnikuusutit, kinaaninnut uppernarsaasinnaasumik.
Uppernarsaasussap piumasaqaatit arlallit naammassisimasariaqarpai. 18-liisimasariaqassaaq, inuup normuanik atuuttumik peqassaaq, MitID isumannaallisaanermi pitsaanerusoq qaffsissorluunniit atuuttoq pigisariaqarpaa, ukulu arlaat atorfigisariaqarlugit:
- Isumaginninnermut siunnersorti
- Inunnik isumaginninnermut sullissisoq
- Pinerluttunik isumaginnittoqarfimmi atorfilik
- Siunnersortitut sulisoq
- Aqqusinermi sullissisoq
- Politeeq
- RA-mi HR-mi atorfilik
- Danmarkimi nunanut allanut ministereqarfiani sulisoq
- Danmarkimi nunanut allanut aallartitaqarfiani sulisoq
- Kommunip Innuttaasunik Sullissiviani sulisoq
- Savalimmiuni Naalagaaffiup sinniisoqarfiani sulisoq
Uppernarsaasup MitID-minut sulinerminullu uppernarsaatit nassassavai, taamatuttaaq suliffieqarfiup CVR-normua nassassallugu. Ilisimasallip qasseriaq uppernarsaasuusinnaanera killeqanngilaq.